নেৰানেপেৰা বৰষুণৰ প্ৰতি লক্ষ্য ৰাখি, নাগৰিকসকলক অতি প্ৰয়োজনীয় নোহোৱালৈকে বাহিৰলৈ নাযাবলৈ পৰামৰ্শ দিয়া হৈছে কামৰূপ মেট্ৰ’ জিলা প্ৰশাসনৰ তৰফৰ পৰা।
যিসকল লোকৰ বাসস্থানত পানী জমা/ভূমিস্খলন হোৱাৰ সম্ভাৱনা আছে তেনে লোকক সুৰক্ষিত স্থানলৈ স্থানান্তৰ কৰাৰ কথা বিবেচনা কৰিবলৈ নাইবা ১০৭৭/৮৬৩৮১১২২৯৭ নম্বৰত জিলা প্ৰশাসনৰ সৈতে যোগাযোগ কৰিবলৈ আহ্বান জনাইছে কামৰূপ মহানগৰ’ জিলা প্ৰশাসনে।
আনহাতে, কামৰূপ মহানগৰ জিলা উপায়ুক্তই দিয়া এক জৰুৰী বাৰ্তাত কোৱা হৈছে যে যিকোনো জৰুৰী অৱস্থাৰ বাবে গুৱাহাটী ৰাজহ চক্ৰ বিষয়াক ৯৫০৮২-০৯৬৮৬ নম্বৰত, ফিল্ড অ’ফিচাৰ গুৱাহাটী (DDMA)ক ৯৭০৭৭-২৭৪২২ নম্বৰত অথবা দিছপুৰ ৰাজহ চক্ৰ বিষয়াক ৮৩৭৬০-২৯৯৮৪ নম্বৰত আৰু ফিল্ড অ’ফিচাৰ দিছপুৰ (DDMA)ক ৮৮৭৬০-৮৬৪৮৮ নম্বৰত নাইবা প্ৰশাসনৰ টোল ফ্ৰী নম্বৰ ১০৭৭/৯৩৬৫৪-২৯৩১৪ ত যোগাযোগ কৰক।
বাৰ্তাটোত লগতে প্ৰশাসনে সকলো সময়তে সহায় কৰিবলৈ প্ৰস্তুত থকাৰ কথা জানিবলৈ দিছে।
