জম্মু-কাশ্মীৰত পুনৰ সন্ত্ৰাসবাদীৰ আক্ৰমণৰ লক্ষ্য হৈ পৰিছে প্ৰব্ৰজনকাৰী শ্ৰমিক। শনিবাৰে উপত্যকাটোৰ পুলৱামাত সন্ত্ৰাসবাদীয়ে কৰা গুলীবৰ্ষণত আহত হৈছে বিহাৰৰ দুজন প্ৰব্ৰজনকাৰী শ্ৰমিক।
কাশ্মীৰৰ পুলৱামাৰ কাহৰপোৰা ৰত্নিপুৰাত প্ৰব্ৰজনকাৰী শ্ৰমিকসকলৰ ওপৰত সন্ত্ৰাসবাদীয়ে গুলীচালনা কৰিছিল। এই গুলীচালনাত দুগৰাকী শ্ৰমিক আঘাতপ্ৰাপ্ত হয়।
আহত শ্ৰমিক দুগৰাকীক লগে লগে স্থানীয় এখন চিকিৎসালয়লৈ প্ৰেৰণ কৰা হয়। শ্ৰমিক দুগৰাকীক ক্ৰমে চামছাদ আৰু ফাইজান বুলি চিনাক্ত কৰা হৈছে।দুয়োগৰাকী শ্ৰমিকৰে স্বাস্থ্যৰ অৱস্থা অৱশ্যে বৰ্তমান সুস্থিৰ বুলি স্থানীয় আৰক্ষীয়ে জানিবলৈ দিছে।
#Terrorists fired upon & injured 02 outside labourers at Kharpora Ratnipora in #Pulwama. They have been shifted to hospital where their condition is stated to be stable. Identified as Shamshad S/O Islam Shiekh & Faizan Qasri S/O Fayaz Qadri, R/O Batya Zila Bihar.@JmuKmrPolice
— Kashmir Zone Police (@KashmirPolice) September 24, 2022
উল্লেখ্য যে শেহতীয়াকৈ জম্মু-কাশ্মীৰত প্ৰব্ৰজনকাৰী শ্ৰমিকসকলৰ কেইবাটাও আক্ৰমণ সংঘটিত হৈছে। যোৱা মাহত কাশ্মীৰৰ বান্দিপুৰত বিহাৰৰ এজন প্ৰব্ৰজনকাৰী শ্ৰমিকক গুলীয়াই হত্যা কৰা হৈছিল।
শ্ৰমিকগৰাকীক চিকিৎসাৰ বাবে চিকিৎসালয়ত ভৰ্তি কৰা হৈছিল যদিও পিছত চিকিৎসাৰ সময়ত তেওঁৰ মৃত্যু হয়।
সেইদৰে জুন মাহত জম্মু-কাশ্মীৰৰ বুদগামত সন্ত্ৰাসবাদীয়ে দুগৰাকী প্ৰব্ৰজনকাৰী শ্ৰমিকৰ ওপৰত গুলীচালনা কৰিছিল। এই আক্ৰমণত এগৰাকী শ্ৰমিকৰ মৃত্যুও হৈছিল।