পথৰ মাজতে যাত্ৰাৰত এখন বিলাসী মাৰ্চিডিজ বেঞ্জ বাহন আৰু এখন টেক্টৰৰ মুখামুখি সংঘৰ্ষ আৰু মাৰ্চিডিজৰ খুন্দাত আশ্চৰ্য্যজনকভাৱে দুটুকুৰা হৈ বাগৰি পৰিছে টেক্টৰখন! শুনিবলৈ আচৰিত যেন লাগিলেও এনে এক ঘটনাই ঘটিছে অন্ধ্ৰপ্ৰদেশত।
ৰাজ্যখনৰ তিৰুপতিৰ ওচৰৰ চন্দ্ৰগিৰি বাইপাছ পথত সংঘটিত এক পথ দুৰ্ঘটনাত এই আশ্বৰ্য্যকৰ ঘটনা দেখিবলৈ পোৱা গৈছে। সোমবাৰে সংঘটিত হোৱা এই দুৰ্ঘটনাৰ পিছৰ দৃশ্য ইতিমধ্যে সামাজিক মাধ্যমত ভাইৰেল হৈ পৰিছে।
मर्सीडिज बेंज कार ने ट्रैक्टर के दो टुकड़े किए | Unseen India pic.twitter.com/O4AS094mxP
— UnSeen India (@USIndia_) September 27, 2022
এখন মাৰ্চিডিজ বাহনৰ খুন্দাত টেক্টৰখন দুটুকুৰা হৈ যোৱাত হতবাক হৈ পৰিছে সকলো। সামাজিক মাধ্যমত ভাইৰেল হোৱা এই দৃশ্যৰ ভিডিঅ’টোৱে ব্যাপক চৰ্চা লাভ কৰিছে।
প্ৰকাশিত খবৰ অনুসৰি, বিপৰীত দিশৰ পৰা আহি থকা ট্ৰেক্টৰখনে নিয়ম উলংঘন কৰি ভুল দিশত যাত্ৰা কৰিছিল আৰু সন্মুখৰ ফালৰ পৰা আহি থকা মাৰ্চিডিজ গাড়ীখনক খুন্দা মাৰিছিল। খুন্দা মৰাৰ পাছতে ট্ৰেক্টৰখন দুটা ভাগত বিভক্ত হৈ পৰিছিল।
আনহাতে এনে প্ৰচণ্ড খুন্দাৰ পাছতো মাৰ্চিডিজ বাহনখনৰ কেৱল সন্মুখভাগহে কিছু ক্ষতিগ্ৰস্ত হয়।
অৱশ্যে এই দুৰ্ঘটনাটোত বিশেষ কোনো হতাহত হোৱা নাই বুলি জানিব পৰা গৈছে। বাহনখনত থকা সকলো যাত্ৰী সুৰক্ষিত আৰু সুস্থ অৱস্থাত থকাৰ বিপৰীতে ট্ৰেক্টৰৰ চালকজন সামান্য পৰিমাণে আঘাতপ্ৰাপ্ত হৈছে।
