বাইকৰ পিছ ছীটত বহি ‘ৰাইড’ত ওলাল এগৰাকী বিশেষ যাত্ৰী: সামাজিক মাধ্যমত প্ৰশংসাৰ বৰষুণ

সামাজিক মাধ্যমত সময়ে সময়ে ভাইৰেল হোৱা কিছু বিশেষ ভিডিঅ’ই ব্যাপক চৰ্চা লাভ কৰে। এনে চৰ্চিত কিছুমান ভিডিঅ’ই সামাজিক মাধ্যম ব্যৱহাৰকাৰীসকলৰ মন-মগজুক আলোড়িত কৰি তোলে, প্ৰশংসাত পঞ্চমুখ হৈ পৰে সকলো। বিশেষকৈ নৱ প্ৰজন্মৰ মাজত জীৱ-জন্তুৰ বিভিন্ন আদৱ-কায়দা তথা আকৰ্ষণীয় কাৰচাজিৰ ভিডিঅ’সমূহ যথেষ্ট জনপ্ৰিয় হৈ পৰিছে।

এনে এক ভিডিঅ’ই সম্প্ৰতি সামাজিক মাধ্যমত আলোড়নৰ সৃষ্টি কৰিছে। সাধাৰণতে কোৱা হয়, কুকুৰ এগৰাকী মানুহৰ আটাইতকৈ বিশ্বাসযোগ্য আৰু ভাল বন্ধু হৈ উঠিব পাৰে। বহুসময়ত এই কথাষাৰৰ সত্য হিচাপে প্ৰমাণিত হৈছেও।

সম্প্ৰতি সামাজিক মাধ্যমত ভাইৰেল হোৱা এই বিশেষ ভিডিঅ’টোও কুকুৰৰ সৈতেই জড়িত। ভিডিঅ’টোত এটা কুকুৰক দেখিবলৈ পোৱা গৈছে এক বিশেষ ৰূপত। চকুত আকৰ্ষণীয় নীলা চশমা পৰিধান কৰি, সাজ-সজ্জাৰে সাজি-কাচি বাইকত বহি ৰাইডত ওলাইছে এটা কুকুৰ।

এগৰাকী যুৱকে বাইকৰ পিছফালে কুকুৰটোক বহুৱাই যাত্ৰা কৰিছে আৰু কুকুৰটোৱেও যুৱকজনৰ পিঠিত আগ ঠেং দুটাৰে ভেঁজা দি এই যাত্ৰা উপভোগ কৰিছে। বাইকখনৰ পিছে পিছে যোৱা এখন গাড়ীত থকা এগৰাকী ব্যক্তিয়ে এই বিশেষ দৃশ্য ভিডিঅ’ কৰি ৰাখে আৰু সামাজিক মাধ্যমত শ্বেয়াৰ কৰে।

ভিডিঅ’ ক্লিপটো সামাজিক মাধ্যমত লগে লগে ভাইৰেল হৈ পৰে। এতিয়ালৈকে ৯ মিলিয়নৰো অধিক লোকে ভিডিঅ’টো চাইছে আৰু পোষ্টটোৰ তলত বিভিন্ন মন্তব্যৰে আনন্দ প্ৰকাশ কৰিছে।

সামাজিক মাধ্যম ব্যৱহাৰকাৰীসকলে প্ৰশংসাৰে উপচাই পেলাইছে বাইক আৰোহী যুৱক আৰু তেওঁৰ সংগী কুকুৰটোক। কোনো কোনোৱে ভিডিঅ’টোৰ লগত শ্বেয়াৰ কৰিছে নিজৰো কুকুৰ বা অন্য জন্তুৰ সৈতে থকা তেওঁলোকৰ নিজা অভিজ্ঞতা।

Wait for it.. 😎 pic.twitter.com/2R0wx1GW0Z

— Buitengebieden (@buitengebieden) September 27, 2022

Here’s my previous dog and i(I cut myself out), he loved, loved, love riding. Btw, that pet carrier is available for another furry friend! pic.twitter.com/zdquQ4KvsS

— Gladys ☮️ is PRO CHOICE (@elwood98226) September 27, 2022

My dog in 1974, he didn’t need to be in a back pack! Best passenger ever! Lived to 19 years old pic.twitter.com/yTEJZ1P9Lc

— christopher hill (@christo83977841) September 27, 2022