জম্মু-কাশ্মীৰৰ উধমপুৰ জিলাত আজি সংঘটিত হৈছে এক ভয়াৱহ পথ দুৰ্ঘটনা। এখন যাত্ৰীবাহী বাছ নিয়ন্ত্ৰণ হেৰুৱাই পথৰ পৰা বাগৰি পৰাৰ ফলত এগৰাকী যাত্ৰী নিহত হোৱাৰ লগতে আন ৬৭ গৰাকী লোক আহত হয়।
স্থানীয় আৰক্ষীয়ে জানিবলৈ দিয়া মতে বাছখন মৌংগৰী খোৰ গালিৰ পৰা উধমপুৰ চহৰ অভিমুখে গৈ থকাৰ সময়তে এই যাত্ৰী সংঘটিত হয়।
বাছখন ক্ৰিমাচি-মানচাৰত উপস্থিত হোৱাৰ সময়তে বাছখনৰ চালকে নিয়ন্ত্ৰণ হেৰুৱাই আৰু বাহনখন ওলোটাই ৪০ ফুট তললৈ বাগৰি পৰে।
এই ভয়াৱহ দুৰ্ঘটনাটোৰ ফলত বাছখনত থকা এগৰাকী যাত্ৰীৰ মৃত্যু হোৱাৰ লগতে ৬৭ গৰাকী যাত্ৰী আহত হয় বুলি স্থানীয় এগৰাকী আৰক্ষী বিষয়াই সংবাদ মাধ্যমৰ আগত উল্লেখ কৰে।
দুৰ্ঘটনাৰ পিছতে স্থানীয় আৰক্ষী আৰু উদ্ধাৰকাৰী দল ঘটনাস্থলীত উপস্থিত হয় আৰু উদ্ধাৰ অভিযান আৰম্ভ কৰে।
আহতসকলক স্বাস্থ্য পৰীক্ষাৰ বাবে স্থানীয় চিকিৎসালয় ভৰ্তি কৰোৱা হয় বুলি আৰক্ষী বিষয়াগৰাকীয়ে লগতে জানিবলৈ দিয়ে।
