খুজেস্তান প্ৰদেশত পাৰমাণৱিক শক্তি প্ৰকল্প নিৰ্মাণৰ কাম আৰম্ভ কৰিছে ইৰাণে

Iran starts construction of a new nuclear power plant ইছলামিক ৰিপাব্লিক অৱ ইৰাণৰ পাৰমাণৱিক শক্তি সংস্থাৰ (এ অ’আই)মুৰব্বী মহম্মদ ইছলামীয়ে কয় যে ইৰাণৰ দক্ষিণ-পশ্চিম খুজেস্তান প্ৰদেশত এটা পাৰমাণৱিক শক্তি প্ৰকল্প নিৰ্মাণৰ কাম আৰম্ভ হৈছে। তেওঁ কয় যে দেশখনে পাৰমাণৱিক শক্তি খণ্ডত গুৰুত্বপূৰ্ণ অগ্ৰগতি লাভ কৰিছে।

এ অ’আইৰ মুৰব্বী মহম্মদ ইছলামীয়ে শনিবাৰে খুজেস্তান প্ৰদেশৰ চাদেগান অঞ্চলত কাৰুণ নামৰ পাৰমাণৱিক শক্তি প্ৰকল্পৰ নিৰ্মাণ কাৰ্য উদ্বোধন কৰে।

লগতে পঢ়ক: বিষাক্ত সম্পৰ্ক! স্বামীক লাহে লাহে বিষ দি হত্যা; প্ৰেমিকক লগত লৈ ষড়যন্ত্ৰ পত্নীৰ

তেওঁ কয় যে চৰকাৰে কম খৰচত বিদ্যুৎ আৰু ইন্ধন উৎপাদনৰ দিশত আগবাঢ়িছে। ইয়াৰ বাবে, এ.অ’আই.-য়ে নতুন পাৰমাণৱিক শক্তি প্ৰকল্প নিৰ্মাণৰ কাৰ্যসূচী গ্ৰহণ কৰিছে।

নিৰ্মাণাধীন শক্তি প্ৰকল্পটোৱে ৩০০ মেগাৱাট বিদ্যুৎ উৎপাদন কৰিব পাৰিব। এই কেন্দ্ৰটো খুজেস্তান প্ৰদেশৰ কাৰুণ নদীৰ সমীপৰ ৫০ হেক্টৰ ভূমিত নিৰ্মাণ কৰা হ’ব।

প্ৰকল্পটো উদ্বোধন কৰি মহম্মদ ইছলামীয়ে লগতে কয় যে ইৰাণে পাৰমাণৱিক শক্তি প্ৰকল্প নিৰ্মাণৰ কাম ত্বৰান্বিত কৰিব বিচাৰে। ইয়াৰ বাবে সমগ্ৰ দেশতে প্ৰকল্প গ্ৰহণ কৰা হৈছে।

লগতে পঢ়ক: দিনৰ পোহৰতে কুখ্যাত গেংষ্টাৰক গুলীয়াই হত্যা; দুৰ্বৃত্তৰ গুলীত এজন পথচাৰীও নিহত

তেওঁ কয় যে পাৰমাণৱিক শক্তি প্ৰকল্পৰ পৰা দেশৰ মুঠ বিদ্যুতৰ ২০ শতাংশ উৎপাদন কৰাৰ পৰিকল্পনা লোৱা হৈছে। এই প্ৰকল্পসমূহ অহা ২০ বছৰৰ ভিতৰত ৰূপায়ণ কৰা হ’ব।