Court sentences man to death for raping and killing minor মথুৰাৰ এখন আদালতে এগৰাকী ১০ বছৰীয়া নাবালিকাক ধৰ্ষণ আৰু হত্যা কৰাৰ অভিযোগত দোষী সাৱ্যস্ত এজন লোকক মৃত্যুদণ্ডৰ নিৰ্দেশ দিছে। অপৰাধৰ ৫৭ দিনৰ ভিতৰতে বিচাৰ প্ৰক্ৰিয়া সম্পূৰ্ণ কৰা হৈছে। ন্যায়াধীশ বিপিন কুমাৰে শুকুৰবাৰে অভিযুক্ত ৩০ বছৰীয়া সতীশ কুমাৰক মৃত্যুদণ্ড প্ৰদান কৰে।
আৰক্ষীৰ সূত্ৰ অনুসৰি, লোকজনে ১০ বছৰীয়া নাবালিকাগৰাকীক অঞ্চলটোৰ ‘ভাণ্ডাৰা’ (য’ত খাদ্য খুওৱাৰ ব্যৱস্থা কৰা হয়) লৈ যোৱাৰ অজুহাতত তাইক নিজৰ ঘৰলৈ লৈ গৈ ধৰ্ষণ কৰিছিল।
লগতে পঢ়ক: গুজৰাট বিধানসভাৰ ১৮২খন আসনত মুছলমান বিধায়ক এজন; কংগ্ৰেছৰ টিকটত জয়ী ইমৰান
যুৱকজনৰ বিৰুদ্ধে ছোৱালীজনীক ধৰ্ষণ কৰাৰ পিছত শ্বাসৰুদ্ধ কৰি হত্যা কৰা আৰু তাইৰ শৰীৰটো জংঘলত পেলাই দিয়াৰ অভিযোগ আছিল।
আৰক্ষীয়ে ১৩ অক্টোবৰত ছোৱালীজনীৰ মৃতদেহ উদ্ধাৰ কৰিছিল। ছোৱালীজনীৰ মাতৃয়ে দাখিল কৰা অভিযোগৰ ভিত্তিত আৰক্ষীয়ে যুৱকজনক গ্ৰেপ্তাৰ কৰিছিল।
ছোৱালীজনীৰ মৃতদেহ উদ্ধাৰ হোৱাৰ ছয় ঘণ্টাৰ ভিতৰত তেওঁক গ্ৰেপ্তাৰ কৰা হৈছিল। আৰক্ষীয়ে জানিবলৈ দিছিল যে মানুহজন বিবাহিত আছিল। পেছাত দৰ্জী লোকজনৰ পত্নীৰ সৈতে বিবাদ আছিল। সেয়ে, তেওঁলোকে পৃথকে বাস কৰে।
লগতে পঢ়ক: ৰকেট আক্ৰমণৰ সন্দেহ! পঞ্জাৱৰ তৰণ তাৰণ আৰক্ষী থানাত বিস্ফোৰণ; আৰম্ভ তালাচী অভিযান
উপ আৰক্ষী অধীক্ষক প্ৰবীণ মালিকে কয় যে অভিযুক্তৰ বিৰুদ্ধে দ্ৰুত তথ্য প্ৰমাণৰ ভিত্তিত এমাহৰ ভিতৰতে অভিযোগনামা দাখিল কৰা হৈছিল। তাৰ পিছতে ক্ষিপ্ৰতাৰে বিচাৰ প্ৰক্ৰিয়া সম্পন্ন কৰা হয়।
