অহা ১৩ ফেব্ৰুৱাৰীৰ পৰা ১৭ ফেব্ৰুৱাৰীত অনুষ্ঠিত হ’ব এৰ’ ইণ্ডিয়াৰ ১৪ সংখ্যক সংস্কৰণৰ দ্বিবাৰ্ষিক বিমান প্ৰদৰ্শনী। এই এৰ’ ইণ্ডিয়া ২০২৩ বেংগালুৰুৰ য়েলাহাংকাস্থিত বায়ুসেনা ষ্টেচনত অনুষ্ঠিত হ’ব। কেন্দ্ৰীয় চৰকাৰৰ আত্মনিৰ্ভৰ ভাৰতক প্ৰতিনিধিত্ব কৰি এইবাৰ প্ৰদৰ্শন হ’ব বিশেষ অনুষ্ঠান- ‘য়ুনিক আত্মনিৰ্ভৰ ফৰ্মেচন’।
এই ‘য়ুনিক আত্মনিৰ্ভৰ ফৰ্মেচন’ত হিন্দুস্তান এৰ’নটিক্স লিমিটেড (এইচ এ এল)ৰ দ্বাৰা নিৰ্মিত ১৫ খন হেলিকপ্টাৰৰ বিশেষ প্ৰদৰ্শন হ’ব। প্ৰতিৰক্ষা ৰাজহুৱা খণ্ডৰ বিমান নিৰ্মাণ প্ৰতিষ্ঠানটোৱে প্ৰথমবাৰৰ বাবে নিজৰ হিন্দুস্তান লিড ইন ফাইটাৰ ট্ৰেইনাৰৰ বা এইচ এল এফ টি-৪২ৰ স্কেল মডেল প্ৰদৰ্শন কৰিব।
হিন্দুস্তান এৰ’নটিক্স লিমিটেডে জানিবলৈ দিয়া মতে, লিমিটেডে নিজৰ “ফুল স্পেকট্ৰম ট্ৰেইনিং কেপেবিলিটিচ” প্ৰদৰ্শন কৰিব আৰু এয়াৰ শ্ব’ৰ ইনড’ৰ পেভিলিয়নত নিজৰ হেলিকপ্টাৰ আৰু জেটৰ মডেল প্ৰদৰ্শন কৰিব।
এই ১৫ খন হেলিকপ্টাৰৰ ভিতৰত হিন্দুস্তান এৰ’নটিক্স লিমিটেডৰ এডভান্সড লাইট হেলিকপ্টাৰ (এ এল এইচ), প্ৰচণ্ড লাইট কম্বেট হেলিকপ্টাৰ (এল চি এইচ), আৰু লাইট ইউটিলিটি হেলিকপ্টাৰ (এল ইউ এইচ)ৰ সকলো ভেৰিয়েণ্ট অন্তৰ্ভুক্ত কৰা হ’ব।
সেইদৰে ফিক্সড উইং ডিছপ্লেত থাকিব লাইট কম্বেট এয়াৰক্ৰাফ্ট (এলচিএ) টুইন ছিটাৰ ভেৰিয়েন্ট, হক-আই, হিন্দুস্তান টাৰ্বো ট্ৰেইনাৰ (এইচটিটি)-৪০ বিমান, আৰু ইণ্টাৰমিডিয়েট জেট ট্ৰেইনাৰ (আইজেটি)।
Aero India 2023: HAL will display a unique ‘Aatmanirbhar Formation’ flight of 15 helicopters and scale model of Next Gen Supersonic Trainer (Hindustan Lead in Fighter Trainer-42) apart from ALH, LCH, LUH, LCA twin seater variant, Hawk-i, IJT and HTT-40 aircraft.
— HAL (@HALHQBLR) February 10, 2023
এইচ এল এফ টি-৪২ৰ এক স্কেল মডেল “নেক্সট জেন ছুপাৰছনিক ট্ৰেইনাৰ”ও এৰ’ ইণ্ডিয়া ২০২৩ত প্ৰদৰ্শিত হ’ব। হিন্দুস্তান এৰ’নটিক্স লিমিটেডেৰ মতে, বিমানখনে আধুনিক যুদ্ধ বিমান প্ৰশিক্ষণত গুৰুত্বপূৰ্ণ ভূমিকা পালন কৰিব।
হিন্দুস্তান এৰ’নটিক্স লিমিটেডৰ ইনড’ৰ পেভিলিয়নত ইণ্ডিয়ান মাল্টি ৰ’ল হেলিকপ্টাৰ (আই এম আৰ এইচ)ৰ স্কেল মডেল, এল চি এ এম কে ২, আৰ ইউ এ ভি, এল চি এ ট্ৰেইনাৰ, হিন্দুস্তান টাৰ্বো-শ্বাফ্ট ইঞ্জিন-১২০০, আৰু হিন্দুস্তান-২২৮ৰ মডেল প্ৰদৰ্শন হ’ব।
আউটড’ৰ প্ৰদৰ্শনীত ৰোটাৰী উইং প্ৰডাক্ট এল ইউ এইচ আৰু এ এল এইচ মেডিকেল ইনটেনচিভ কেয়াৰ ইউনিট (এম আই চি ইউ) ভেৰিয়েণ্ট প্ৰদৰ্শিত হ’ব। এইবোৰৰ উপৰিও এইচ টি টি-৪০, ডৰ্নিয়াৰ বিমান, আৰু এ এল এইচ আদিও ষ্টেটিক ডিছপ্লেৰ অংশ হ’ব।
ইফালে এৰো ইণ্ডিয়া ২০২৩ত ৰাছিয়া২০০ প্ৰকাৰৰ অতি উন্নত সামৰিক হাৰ্ডৱেৰ আৰু অস্ত্ৰ-শস্ত্ৰ প্ৰদৰ্শন কৰিব। ইয়াত প্ৰদৰ্শন কৰা হ’ব চুখয় ফিফ্থ জেনেৰেচন ফাইটাৰ জেট, চেকমেট লাইট টেকটিকেল ফাইটাৰ আৰু অৰলান-৩০ ড্ৰ’ন।
