দিল্লীৰ মুখ্যমন্ত্ৰী অৰবিন্দ কেজৰিৱালে কেন্দ্ৰীয় চৰকাৰে দিল্লীৰ বাজেট স্থগিত কৰা বুলি অভিযোগ উত্থাপন কৰি প্ৰধানমন্ত্ৰী নৰেন্দ্ৰ মোদীলৈ এখন পত্ৰ লিখিছে। ইয়াত মুখ্যমন্ত্ৰী কেজৰিৱালে কয় যে দেশৰ ৭৫ বছৰীয়া ইতিহাসত প্ৰথমবাৰৰ বাবে এখন ৰাজ্যৰ বাজেট বন্ধ কৰা হৈছে।
কেজৰিৱালে প্ৰধানমন্ত্ৰী মোডীক সুধিছে, ‘আপুনি আমাক দিল্লীবাসীক কিয় বেয়া পাইছে? অনুগ্ৰহ কৰি দিল্লীৰ বাজেট বন্ধ নকৰিব। দিল্লীৰ মানুহে আপোনাক হাত জোৰ কৰি প্ৰাৰ্থনা কৰি আছে আমাৰ বাজেট পাছ কৰি দিয়ক।”
লগতে পঢ়ক: ব্ৰিটেইনৰ পিছত এইবাৰ আমেৰিকা! ছান ফ্ৰান্সিস্কোত থকা ভাৰতীয় দূতাবাসত তাণ্ডৱ খালিস্তানী পন্থীৰ
ইয়াৰ পূৰ্বে, কেজৰিৱালে দাবী কৰিছিল যে কেন্দ্ৰই বিধানসভাত ২০২৩-২৪ বিত্তীয় বৰ্ষৰ বাবে দিল্লীৰ বাজেট উপস্থাপন স্থগিত কৰিছে। সূত্ৰ অনুসৰি, গৃহ মন্ত্ৰালয়ে দিল্লী চৰকাৰৰ বাজেটৰ ওপৰত স্থগিতাদেশ দিছে যাৰ বাবে ইয়াক মঙলবাৰে উপস্থাপন কৰিব পৰা নহ’ব।
কেজৰিৱালে বাজেট স্থগিত ৰখা বুলি দাবী কৰাৰ পিছত গৃহ মন্ত্ৰালয়ৰ সূত্ৰই কয় যে কেন্দ্ৰই দিল্লীৰ আম আদমী পাৰ্টি নেতৃত্বাধীন চৰকাৰৰ পৰা স্পষ্টীকৰণ বিচাৰিছে। ইয়াৰ আঁৰৰ কাৰণ হিচাপে দিল্লী চৰকাৰৰ বাজেট প্ৰস্তাৱত বিজ্ঞাপনৰ বাবে অধিক আৱণ্টনৰ বাবে উল্লেখ কৰা বুলি কোৱা হৈছে। একে সময়তে, আন্তঃগাঁথনি আৰু অন্যান্য উন্নয়নমূলক কামৰ বাবে তুলনামূলকভাৱে কম পৰিমাণ আৱণ্টন কৰা বুলি কোৱা হৈছে।
লগতে পঢ়ক: প্ৰেমে বয়স নামানে! ৯২ বছৰ বয়সত পঞ্চম বিবাহৰ বাবে সাজু মিডিয়া সম্ৰাট ৰুপাৰ্ট মৰ্ডক; কইনা কোন?
কোৱা হৈছে যে আম আদমী পাৰ্টি চৰকাৰে এতিয়ালৈকে কেন্দ্ৰৰ দাবীৰ প্ৰতি সঁহাৰি দিয়া নাই। অৱশ্যে, কেজৰিৱাল চৰকাৰে কেন্দ্ৰৰ এই অভিযোগবোৰ মিছা বুলি অভিহিত কৰিছে। আম আদমী পাৰ্টীয়ে দাবী কৰে যে দিল্লীৰ মুঠ বাজেট হৈছে ৭৮,৮০০ কোটি টকা, যাৰ ভিতৰত বিজ্ঞাপনত ব্যয় কৰাৰ বাবে মাত্ৰ ৫৫০ কোটি টকা ধাৰ্য কৰা হৈছে।
আম আদমী পাৰ্টি চৰকাৰৰ মতে, এই বাজেটত আন্তঃগাঁথনি ব্যয়ৰ বাবে ২২,০০০ কোটি টকা ধাৰ্য কৰা হৈছে। এইটোও দাবী কৰা হৈছে যে যোৱা বছৰ বিজ্ঞাপনৰ বাবে একে পৰিমাণৰ আৱণ্টন কৰা হৈছিল। এটা টিভি অনুষ্ঠানত কেজৰিৱালে কেন্দ্ৰৰ নৰেন্দ্ৰ মোডী চৰকাৰক পোনপটীয়াকৈ আক্ৰমণ কৰে আৰু তেওঁলোকৰ ওপৰত গুণ্ডাগিৰিৰ অভিযোগ উত্থাপন কৰে। আম আদমী পাৰ্টীয়ে বাজেটৰ ওপৰত নিষেধাজ্ঞা সম্পৰ্কীয় এটা ভিডিঅ’ টুইট কৰিছে।
লগতে পঢ়ক: প্ৰৱঞ্চক মেহুল চোকছিৰ বিৰুদ্ধে ৰেড নটিচ প্ৰত্যাহাৰ কৰিলে ইণ্টাৰপোলে; কি হ’ব এতিয়া?
দিল্লীৰ লেফটেনেণ্ট গভৰ্ণৰে ২০২৩-২০২৪ বৰ্ষৰ বাৰ্ষিক বিত্তীয় বিবৃতি ৯ মাৰ্চতে কিছু মন্তব্যৰ সৈতে অনুমোদন জনাইছিল। ইয়াৰ পিছত ফাইলটো মুখ্যমন্ত্ৰী কেজৰিৱাললৈ প্ৰেৰণ কৰা হয়। এই সন্দৰ্ভত দিল্লী চৰকাৰে ৰাষ্ট্ৰপতিৰ প্ৰয়োজনীয় অনুমোদন বিচাৰি গৃহ মন্ত্ৰালয়লৈ এখন পত্ৰ প্ৰেৰণ কৰে।
বাতৰি অনুসৰি, যোৱা ১৭ মাৰ্চত গৃহ মন্ত্ৰালয়ে দিল্লী চৰকাৰক ইয়াৰ আপত্তিৰ বিষয়ে অৱগত কৰে। তেতিয়াৰ পৰা দিল্লী চৰকাৰৰ পৰা কোনো সঁহাৰি প্ৰেৰণ কৰা হোৱা নাই। লেফটেনেণ্ট গভৰ্ণৰৰ কাৰ্যালয়ে ফাইলটো চৰকাৰৰ দ্বাৰা প্ৰেৰণ কৰাৰ বাবে অপেক্ষা কৰি থকা বুলি কোৱা হৈছে।
