গুৱাহাটী উচ্চ ন্যায়ালয়ৰ ৰায়ৰ বিৰুদ্ধে ভাৰতৰ সংবিধানৰ ১৩৬ নং অনুচ্ছেদ ( Special Leave Petition)ৰ অধীনত অধিবক্তা আৰিফ জৱাদাৰে ভাৰতৰ সন্মানীয় উচ্চতম ন্যায়ালয়ত আপীল দাখিল কৰিছে।
গুৱাহাটী উচ্চ ন্যায়ালয়ে ২০২৩ চনৰ ২৭ জানুৱাৰী তাৰিখে আৰিফ জৱাদাৰে দাখিল কৰা এখন ৰাজহুৱা স্বাৰ্থজনিত আবেদন নিষ্পত্তি কৰিছিল। আবেদনখনত আৰিফ জাৱাদাৰে অসমত শেহতীয়াকৈ সংঘটিত হোৱা এনকাউণ্টাৰৰ পৰিসংখ্যা বিচৰাৰ লগতে এই এনকাউণ্টাৰ সমূহৰ ওপৰত স্বতন্ত্ৰ তদন্তৰ দাবী কৰিছিল। লগতে অসমৰ প্ৰতিখন জিলাত এখনকৈ মানৱ অধিকাৰ আয়োগৰ আদালত স্থাপন কৰাৰ বাবে আবেদন জনাইছিল অধিবক্তাগৰাকীয়ে।
লগতে পঢ়কঃ অমিত শ্বাহৰ আৰক্ষীৰ বিৰুদ্ধে বিস্ফোৰক অভিযোগ অলিম্পিক পদক বিজয়ী বজৰং পুনিয়াৰ
এই আবেদনৰ পৰিপ্ৰেক্ষিতত অসম চৰকাৰে ২০২২ চনৰ ২৯ ছেপ্তেম্বৰত দিয়া এখন শপতনামাত ২০২২ চনৰ মে’মাহৰ পৰা আগষ্ট মাহলৈকে ১৭১ টা এনকাউণ্টাৰত ৫৬ জন লোকৰ মৃত্যু আৰু ১৪৫ জন আহত হোৱাৰ কথা স্বীকাৰ কৰিছিল।
আৰিফ জৱাদাৰে দাবী কৰা মতে, ন্যায়ালয়ে এনকাউন্টাৰৰ কথা স্বীকাৰ কৰিলেও এনকাউন্টাৰ সমূ্হৰ বিষয়ে কোনোধৰণৰ যুক্তিনিষ্ঠ উত্তৰ আৰু তদন্তৰ নিৰ্দেশনা জাৰি কৰা নাছিল।
লগতে পঢ়কঃ কিন্তু কিয়? ন্যায়াধীশৰ বিচাৰপীঠৰ পৰা নিযুক্তি দুৰ্নীতিৰ গোচৰ আঁতৰোৱাৰ নিৰ্দেশ উচ্চতম ন্যায়ালয়ৰ
সেয়েহে গুৱাহাটী উচ্চ ন্যায়ালয়ৰ এই নিষ্পত্তিক প্ৰত্যাহ্বান জনাই দেশৰ সৰ্বোচ্চ ন্যায়ালয়ৰ কাষ চাপিছে অধিবক্তা আৰিফ জৱাদাৰ। জানিব পৰা মতে প্ৰখ্যাত অধিবক্তা তথা নাগৰিক অধিকাৰ কৰ্মী প্ৰশান্ত ভূষণৰ জৰিয়তে এই আবেদন দাখিল কৰা হৈছে।
লগতে পঢ়কঃ গেৰুৱা সাজ পিন্ধি দলৰ কাৰ্যালয়লৈ অহাৰ ‘শাস্তি’, দলীয় কৰ্মীৰ গণ প্ৰহাৰৰ বলি কংগ্ৰেছ নেতা!
