পোহনীয়া কুকুৰৰ মালিকৰ বাবে বেয়া খবৰ। এতিয়া যদি মৰমৰ পোহনীয়া কুকুৰটোৱে কাৰোবাক কামোৰে বা ৰাস্তাৰ যিকোনো ঠাইত শৌচ কৰে বা কাৰোবাৰ ব্যক্তিগত সম্পত্তিৰ ক্ষতি কৰে তেন্তে গৰাকীয়ে মোটা অংকৰ ধন ভৰিব লাগিব। উৰিষ্যাৰ ভুৱনেশ্বৰ পৌৰ নিগমে জাৰি কৰিছে এনে নিয়ম।
যোৱা কিছুদিনত বহুকেইটা পোহনীয়া কুকুৰৰ আক্ৰমণৰ খবৰ আহিছে। মৃত্যুৰ ঘটনাও সংঘটিত হৈছে। সেইবাবেই ভুৱনেশ্বৰ পৌৰসভাই পোহনীয়া জন্তুৰ মালিকক সকীয়াই দিয়াৰ সিদ্ধান্ত লৈছে।
লগতে পঢ়ক: জি এছ টি সংগ্ৰহত অভিলেখ; ৰাজ্যসমূহৰ পৰা এমাহত কেন্দ্ৰৰ জোলোঙাত সোমাল বৃহৎ ৰাজহ
তেওঁলোকে স্পষ্ট কৰি দিছে যে এজন মালিকে সৰ্বাধিক দুটা কুকুৰ ৰাখিব পাৰিব। সিহঁতৰ পঞ্জীয়ন কৰিব লাগিব। পোহনীয়া কুকুৰৰ টিকাকৰণ, চিকিৎসা কৰোৱাটো বাধ্যতামূলক। বহু লোকে বহিঃৰাজ্যৰ পৰা পোহনীয়া কুকুৰ আনে। সেই ক্ষেত্ৰতো পঞ্জীয়ন কৰিব লাগিব।
ভুৱনেশ্বৰ পৌৰসভাৰ নিয়ম অনুসৰি কোনো পোহনীয়া কুকুৰে কাৰোবাক কামুৰিলে মালিকে ১০ হাজাৰ টকা জৰিমনা ভৰিব লাগিব। এয়াই নহয়, লগতে ভুক্তভোগীৰ চিকিৎসাৰ খৰচো বহন কৰিব লাগিব।
বহুতে নিজৰ পোহনীয়া কুকুৰবোৰ নিয়মিতভাৱে বাহিৰলৈ লৈ যায়। কেতিয়াবা পাৰ্কত বা ৰাস্তাত। কাৰণ মুকলি বতাহ তেওঁলোকৰ বাবেও অতি গুৰুত্বপূৰ্ণ। বহু সময়ত পোহনীয়া কুকুৰে পথৰ সকলো ঠাইতে মল-মূত্ৰ ত্যাগ কৰে। কিন্তু চাফা কৰাৰ দায়িত্ব নলয় মালিকে। কিন্তু ভুৱনেশ্বৰত এনে ক্ষেত্ৰত টকা ভৰিব লাগিব।
লগতে পঢ়ক: পঢ়া-শুনাত একেবাৰে মন নবহে? চাণক্যৰ মতে এই ৪টা ভুলৰ বাবেই ছাত্ৰ জীৱনত অসম্পূৰ্ণ হৈ ৰয় সফলতা
ভুৱনেশ্বৰ পৌৰ নিগমে জানিবলৈ দিছে যে যদি মালিকে কোনো কাৰণত পোহনীয়া কুকুৰটোক পথত এৰি দিয়ে তেন্তে মালিকৰ বিৰুদ্ধে ব্যৱস্থা গ্ৰহণ কৰা হ’ব।
