এটা বিস্ময়কৰ আৱিষ্কাৰৰ দাবী কৰিছে আমেৰিকাৰ মহাকাশ গৱেষণা সংস্থা – নাছাই। জানিব পৰা মতে, এতিয়াৰ পৰা সংস্থাটোৱে সৌৰ ধুমুহাৰ খবৰ ৩০ মিনিট আগতীয়াকৈ ঘোষণা কৰিব।
সৌৰ ধুমুহাৰ বাবে পৃথিৱীৰ বৃহৎ ক্ষতি হোৱাৰ আশংকাৰ সৃষ্টি হয়। যেতিয়া এটা ডাঙৰ সৌৰ ধুমুহা আহে তেতিয়া বহুতো ব্যৱস্থাই ভাঙি পৰে। গতিকে সৌৰ ধুমুহা অহাৰ আগতে সঠিক পূৰ্বাভাস লোৱাটো গুৰুত্বপূৰ্ণ।
লগতে পঢ়ক: বেংক বেলেঞ্চ ‘শূন্য’ হ’লেও কাটিব নোৱাৰে পেনাল্টি; জানি লওক RBI-ৰ নতুন নিয়ম
মহাকাশ বিজ্ঞানীসকলে দীৰ্ঘদিন ধৰি এই বিষয়ে গৱেষণা কৰি আহিছে। সৌৰ ধুমুহাৰ বহু আগতেই কেনেকৈ দুৰ্ঘটনাৰ সঠিক ভৱিষ্যদ্বাণী কৰিব পাৰি তাৰ ওপৰতো গৱেষণা চলি আছে। দীৰ্ঘদিনীয়া গৱেষণাৰ অন্তত বিজ্ঞানীসকল এইবাৰ সফল হ’ল। নাছাৰ বিজ্ঞানীসকলে তেনে দাবীয়েই কৰিছে।
পৃথিৱীখন আধুনিক হৈ পৰাৰ লগে লগে প্ৰযুক্তিও অধিক উন্নত হৈছে। ইয়াৰ লগতে কৃত্ৰিম বুদ্ধিমত্তাৰ উন্নতি হৈছে। কৃত্ৰিম বুদ্ধিমত্তাৰ কৃতিত্বই প্ৰায়ে বিভিন্ন কাৰণত শিৰোনাম দখল কৰে। এইবাৰ নাছাই সেই কৃত্ৰিম বুদ্ধিমত্তা ব্যৱহাৰ কৰিলে।
নাছাই বিশেষ কৃত্ৰিম বুদ্ধিমত্তাৰ আৰ্হি তৈয়াৰ কৰি সৌৰ ধুমুহাৰ সঠিক ভৱিষ্যদ্বাণী কৰিবলৈ ওলাইছে। এই বিশেষ মডেলৰ সহায়ত নাছাৰ বিজ্ঞানীসকলে ধুমুহাই পৃথিৱীত আঘাত কৰাৰ ৩০ মিনিট আগতে সঠিক খবৰ দিব পাৰে।
লগতে পঢ়ক: WhatsApp-ত নতুন ফিচাৰ ‘Chatlock’! কোনেও গম নাপাব গোপন বাৰ্তালাপ; কেনেকৈ ‘Enable’ কৰিব?
অৱশ্যে ৩০ মিনিটৰ এই সময় পোহৰৰ ধৰ্মৰ বাবে পোৱা গৈছে। যিহেতু সৌৰ ধুমুহাৰ লগত অহা সূৰ্য্যৰ মৌলবোৰতকৈ পোহৰৰ গতি বেছি, গতিকে ধুমুহাৰ খবৰ ৩০ মিনিট আগতেই দিব পাৰি।
ব্ৰিটিছ সংবাদ মাধ্যম ‘ডেইলী মেইল’য়ে এই বিষয়ে এক প্ৰতিবেদন প্ৰকাশ কৰিছে ।
কাকতলীয়াকৈ ক’বলৈ গ’লে সৌৰ ধুমুহাই বৈদ্যুতিক ব্যৱস্থাত আটাইতকৈ বেছি প্ৰভাৱ পেলায়। ইয়াৰ উপৰিও সৌৰ ধুমুহাই ৰেডিঅ’ আৰু যোগাযোগ ব্যৱস্থাতো ব্যাঘাত জন্মায়।
লগতে পঢ়ক: ইমৰাণ খানক সমৰ্থনৰ অভিযোগ! মুখ্য ন্যায়াধীশৰ বিৰুদ্ধে পাকিস্তানৰ সংসদত গৃহীত প্ৰস্তাৱ
উল্লেখ্য যে ৩৫ বছৰ পূৰ্বে কিউবেকৰ ওপৰত সৌৰ ধুমুহাই আঘাত হানিছিল। সেই ধুমুহাৰ ফলত কেইবা ঘণ্টা ধৰি বিদ্যুৎ ব্যৱস্থা সম্পূৰ্ণৰূপে হেৰাই গৈছিল। আনহাতে, ১৫০ বছৰ পূৰ্বে কেৰিংটন ইভেণ্টৰ ধুমুহাই সমগ্ৰ যোগাযোগ ব্যৱস্থাটো ধ্বংস কৰি পেলাইছিল। ইলেক্ট্ৰনিক ব্যৱস্থাৰ উপৰিও যোগাযোগ ব্যৱস্থাও ভাঙি পৰে। বিজ্ঞানীসকলৰ মতে ৩০ মিনিট আগতীয়াকৈ সঠিক পূৰ্বাভাস দিলে এনে দুৰ্ঘটনাৰ পৰা হাত সাৰিব পাৰি।
