জীৱনত নিজৰ মন পচন্দৰ জীৱন সঙ্গী বিচাৰি উলিওৱাটো এক প্ৰকাৰৰ কঠিন কাম। ইয়াৰ বাবে কেতিয়াবা বহুত ধৈৰ্য্যৰ প্ৰয়োজন হয়। কেতিয়াবা আমি কাৰোবাক দেখি এটা মুহূৰ্ততে প্ৰেমত পৰি যাওঁ আৰু কেতিয়াবা আমাৰ প্ৰেম নিবেদন গ্ৰহণ কৰোঁতে আমাৰ ভালপোৱা ব্যক্তিগৰাকীয়ে বহু সময় লয় বা কেতিয়াবা আমাৰ প্ৰেম নিবেদন অস্বীকাৰ কৰে।
এনে ঘটনাই মানুহৰ আত্মবিশ্বাসক ছিন্নভিন্ন কৰি পেলায় যাৰ ফলত আকৌ কাৰোবাক ভালপোৱা বা যত্ন লোৱাটো কঠিন হৈ পৰে। এই সমস্যাৰ সমাধান হিচাপে আমি প্ৰকৃতিৰ সৈতে নিজৰ ভাৰসাম্য ৰক্ষা কৰাটো প্ৰয়োজন। বাস্তুৱে আমাক এনে পৰিস্থিতিৰ পৰা উদ্ধাৰ কৰি এটা প্ৰেমময় জীৱন লাভৰ ক্ষেত্ৰত অবিশ্বাস্যভাৱে সহায় কৰিব পাৰে।
আজি আমি আপোনালোকক বাস্তু শাস্ত্ৰৰ এনে কেইটামান কিটিপ জনাম, যিকেইটা মানি চলিলে আপোনাৰ প্ৰেতি সহজেই আকৰ্ষিত হ’ব বিপৰীত লিংগৰ ব্যক্তি। লগতে আপোনাৰ জীৱনটো প্ৰেমময় হৈ উঠাৰ লগতে আপোনাৰ মনটোও সদায় প্ৰেমৰ অনুভৱেৰে ধুনীয়া হৈ থাকিব।
জীৱন প্ৰেমৰে পূৰ্ণ কৰি তুলিবলৈ বাস্তুৱে কি বিধান দিছে জানি লওঁ আহক –
১/ আপোনাৰ প্ৰতি আপোনাৰ প্ৰেমক আকৰ্ষণ কৰাবলৈ আপোনাৰ ঘৰৰ দক্ষিণ-পশ্চিম দিশত প্ৰেম চৰাইৰ এটা শিল্পকৰ্ম বা এখন ছবি ৰাখক।
২) যদি আপোনাৰ দক্ষিণ দিশৰ বেৰত নীলা ৰঙৰ ৰং কৰা হৈছে তেন্তে তৎক্ষণাত ৰং সলনি কৰক, কিয়নো নীলা ৰঙৰ বাবে প্ৰেমত বাধাৰ সৃষ্টি হয়।
৩/ ঘৰৰ পূব বা দক্ষিণ চুকত থকা কোঠাত শুব নালাগে। ই প্ৰেমৰ ক্ষেত্ৰত বাধাৰ সৃষ্টি কৰে।
৪/ আপোনাৰ পিন্ধন উৰণত ৰঙা ৰং অন্তৰ্ভুক্ত কৰক। ৰঙা কাপোৰ পৰিধান কৰক। এখন ৰঙা ৰুমাল লগত ৰাখিব পাৰে। ৰঙা ৰংটো প্ৰেমৰ প্ৰতীক।
৫) আপোনাৰ ঘৰৰ বাবে বগা, গোলাপী আৰু হালধীয়া ৰং বাছি লওক, বিশেষকৈ বাথৰুম আৰু বেডৰুমৰ বাবে।
৬/ অব্যৱহৃত বা অতীতৰ লগত জড়িত বস্তু সংগ্ৰহ বা জমা কৰি নাৰাখিব। ভৱিষ্যতে যিবোৰ বস্তুৰ প্ৰয়োজন নাই সেইবোৰ সকলো বস্তু আঁতৰাই পেলাওক।
৭) আপোনজনৰ ফটো নিজৰ ঘৰৰ উত্তৰ-পশ্চিম অঞ্চলত ৰাখক। ইয়াৰ ফলত ধনাত্মক কম্পন লাভ কৰাত সহায়ক হ’ব।
৮/ আপোনাৰ পৰিয়ালৰ ফটো আৰু আপোনজনৰ ফটো সদায় ধূলিমুক্ত হোৱাটো নিশ্চিত কৰক; যিকোনো লেতেৰা ছবি ধূলিময় সম্পৰ্কৰ প্ৰতীক।
৯) শুই থকাৰ সময়ত মূৰটো দক্ষিণ দিশৰ ফালে থকাটো নিশ্চিত কৰক।
১০) নিশ্চিত হওক যে আপোনাৰ বিচনাখন উপযুক্ত সামগ্ৰীৰে নিৰ্মিত আৰু বিচনাখন দুখন দুৱাৰৰ মাজত ৰখা হোৱা নাই।
১১) আপোনাৰ ঘৰত প্ৰাকৃতিক পোহৰৰ পৰিমাণ বৃদ্ধি কৰক। পাতল ৰঙৰ পৰ্দা ব্যৱহাৰ কৰক যাতে সূৰ্য্যৰ পোহৰ ভিতৰত পৰেহি।
১২.আপোনাৰ শোৱা কোঠাত সতেজ ফুল ৰাখক। গোলাপ, হিবিস্কাছ, শেৱালি আদি ফুল প্ৰেম আৰু উৰ্বৰতাৰ প্ৰতীক। আপোনাৰ ঘৰৰ ৰোমান্টিক কোণত মমবাতি আৰু ড্ৰিম লাইট অন্তৰ্ভুক্ত কৰক।
