দেশত্যাগত নিষেধাজ্ঞাৰ বাবে চৰকাৰক ধন্যবাদ জনালে পাকিস্তানৰ প্ৰাক্তন প্ৰধানমন্ত্ৰী ইমৰাণ খানে

পাকিস্তানৰ প্ৰাক্তন প্ৰধানমন্ত্ৰী তথা পাকিস্তান তেহৰিক-ই-ইনছাফৰ অধ্যক্ষ ইমৰাণ খানক দেশ এৰি যোৱাত নিষেধাজ্ঞা আৰোপ কৰা হৈছে। লগতে ইমৰাণ খানৰ পত্নী বুছৰা বিবি আৰু পিটিআইৰ একাংশ শীৰ্ষ নেতা তথা প্ৰাক্তন সংসদো বিদেশলৈ যাব নোৱাৰিব।

এনে নিষেধাজ্ঞাৰ বাবে চৰকাৰক ধন্যবাদ জ্ঞাপন কৰিছে ইমৰাণ খানে। শুকুৰবাৰে এটা টুইটত তেওঁ কয়, ‘মোৰ নাম ভ্ৰমণ নিষেধাজ্ঞাৰ তালিকাত স্থান দিয়াৰ বাবে ধন্যবাদ। মোৰ বিদেশলৈ যোৱাৰ কোনো পৰিকল্পনা নাই। কাৰণ মোৰ বিদেশত ব্যৱসায় বা সম্পত্তিও নাই। আনকি দেশৰ বাহিৰত বেংক একাউণ্টো নাই।‘

লগতে পঢ়ক: মুক্তি পালে ‘দ্য ডায়েৰী অফ ওৱেষ্ট বেংগল’ ছবিৰ ট্ৰেইলাৰ; পৰিচালকলৈ আইনী জাননী

তেওঁ লগতে কয়, ‘যদি মই ছুটী কটাবলৈ সুযোগ পাওঁ, তেন্তে সেই ঠাই হ’ব আমাৰ দেশৰ দক্ষিণৰ পাহাৰবোৰ৷ পৃথিৱীৰ এইয়াই আটাইতকৈ মোৰ প্ৰিয় ঠাই।

ইমৰাণ খান, তেওঁৰ পত্নী বুছৰা বিবি আৰু তেওঁৰ দল পিটিআইৰ নেতাসকলক দেশ এৰি যোৱাত নিষেধাজ্ঞা আৰোপ কৰা হৈছে। কেন্দ্ৰীয় আৰু ৰাজ্যিক পৰ্যায়ৰ একাংশ বিভাগৰ অনুৰোধত নিষেধাজ্ঞাৰ তালিকা প্ৰস্তুত কৰা হৈছে।

লগতে পঢ়ক: বৈবাহিক জীৱনত দীৰ্ঘদিন ধৰি সংগীক যৌন সংগমৰ পৰা বঞ্চিত কৰাটো মানসিক নিষ্ঠুৰতা: আদালত

ইয়াৰ ভিতৰত আৰক্ষীৰ উপৰিও কেন্দ্ৰীয় তদন্ত সংস্থা (এফ আই এ) আৰু ৰাষ্ট্ৰীয় জবাবদিহিতা ব্যুৰো (এন এ বি)ও আছে। এই তালিকাৰ বাবে আৰক্ষী, কেন্দ্ৰীয় সন্ত্ৰাসবাদ বিৰোধী ব্যুৰো, প্ৰাদেশিক দুৰ্নীতি বিৰোধী ব্যুৰো, এন এ বি আৰু বিভিন্ন চোৰাংচোৱা সংস্থাই নাম প্ৰেৰণ কৰিছে।

I want to thank the government for putting my name on the ECL as I have no plans to travel abroad, because I neither have any properties or businesses abroad nor even a bank account outside the country.

If and when I do get an opportunity for a holiday, it will be in our…

— Imran Khan (@ImranKhanPTI) May 26, 2023

যোৱা ৯ মে’ত ইমৰাণ খানক গ্ৰেপ্তাৰ কৰাৰ পিছত সমগ্ৰ পাকিস্তানত সংঘৰ্ষ বিয়পি পৰে। অভিযোগ উত্থাপন হৈছে যে এই ঘটনাৰ লগত এই পিটিআই নেতাসকল জড়িত আছিল।

পাকিস্তানৰ গৃহ মন্ত্ৰালয়ৰ এগৰাকী বিষয়াই সংবাদ মাধ্যমৰ আগত কয় যে ইমৰাণ, বুছৰা বিবিকে ধৰি এই ৰাজনীতিবিদসকলৰ নাম আৰু পিএনআইএলৰ তালিকা পাকিস্তানৰ সকলো বিমানবন্দৰ আৰু স্থলবন্দৰলৈ প্ৰেৰণ কৰা হৈছে।