বিশিষ্ট উদ্যোগপতি ৰতন টাটাই টাটা গ্ৰুপক এক অনন্য মাত্ৰা প্ৰদান কৰিলে। তেওঁ কেৱল দেশৰ এজন সফল উদ্যোগপতিয়েই নহয়, দেশৰ আগশাৰীৰ দানবীৰ তেওঁ।
উল্লেখ্য যে ৰতন টাটাই এই কোম্পানীটোৰ দায়িত্ব তেওঁৰ অতি প্ৰিয় নটৰাজন চন্দ্ৰশেখৰনৰ হাতত অৰ্পণ কৰিছে। এন চন্দ্ৰশেখৰনক আজি তাৰিখত বহুতে জানে। তেওঁ এয়াৰ ইণ্ডিয়াৰ লগতে টাটা গোটৰ অধ্যক্ষৰ পদত অধিষ্ঠিত। কিন্তু অতি কম সংখ্যক লোকেহে জানে যে চন্দ্ৰশেখৰন আজি যিটো কোম্পানীৰ চি ই অ’, এসময়ত সেই কোম্পানীতে ইন্টাৰশ্বিপ কৰিছিল চন্দ্ৰশেখৰনে।
এন চন্দ্ৰশেকাৰনৰ জন্ম ১৯৬৩ চনত তামিলনাডুৰ মোহানুৰ গাঁৱত হৈছিল। তেওঁৰ পিতৃ-মাতৃ আছিল খেতিয়ক। চন্দ্ৰশেখৰনৰ প্ৰাথমিক শিক্ষা আৰম্ভ হৈছিল গাঁৱৰ চৰকাৰী বিদ্যালয়ত। সৰুৰে পৰা তেওঁ কম্পিউটাৰ বিজ্ঞানৰ প্ৰতি আগ্ৰহী আছিল। পঢ়া-শুনাত অতি প্ৰতিভাশালী হোৱাৰ বাবে তেওঁ কইম্বাটুৰ ইনষ্টিটিউট অৱ টেকন’লজিত নামভৰ্তি কৰে। প্ৰয়োগ বিজ্ঞান বিষয়ত ডিগ্ৰী সম্পূৰ্ণ কৰাৰ পিছত তিৰুচিৰাপল্লীৰ অভিযান্ত্ৰিক মহাবিদ্যালয়ৰ পৰা কম্পিউটাৰ এপ্লিকেচনত স্নাতকোত্তৰ ডিগ্ৰী লাভ কৰে চন্দ্ৰশেখৰনে।
এসময়ত দেউতাকৰ সৈতে খেতিৰ কাম কৰিছিল চন্দ্ৰশেখৰনে। তেওঁৰ কেৰিয়াৰ আৰম্ভ হৈছিল টাটাৰ পৰা।ইঞ্জিনিয়াৰিং সম্পূৰ্ণ কৰাৰ পিছত ১৯৮৭ চনত ইন্টাৰ্ণ হিচাপে টাটা কোম্পানীত যোগদান কৰে। আৰু আজিৰ তাৰিখত সেই কোম্পানীটোৰেই মুখ্য কাৰ্যবাহী বিষয়া তেওঁ।
তেওঁৰ কঠোৰ পৰিশ্ৰমৰ ভিত্তিত ২০০৯ চনৰ অক্টোবৰ মাহত তেওঁ কোম্পানীটো চি ই অ’ পদ লাভ কৰে। ৪৬ বছৰ বয়সত তেওঁ সেই পদটো পাইছিল। সেয়ে চন্দ্ৰশেখৰন কোম্পানীটোৰ আটাইতকৈ কম বয়সীয়া চিইঅ’ হিচাপে পৰিগণিত হয়।
জানিব পৰা মতে, ২০১৯ চনত এন চন্দ্ৰশেখৰনৰ দৰমহা আছিল ৬৫ কোটি টকা। ২০২১-২২ চনত টাটা গ্ৰুপৰ অধ্যক্ষ এন চন্দ্ৰশেক্ৰনে লাভ কৰিছিল ১০৯ কোটি টকাৰ পেকেজ। এই ক্ষেত্ৰত তেওঁ ভাৰতৰ সৰ্বাধিক দৰমহা পোৱা চিইঅ’। ইফালে যদি আমি তেওঁৰ সম্পত্তিৰ কথা কওঁ, ২০২০ চনত তেওঁ মুম্বাইত এটা ডুপ্লেক্স ফ্লেট কিনিছিল। যাৰ দাম আছিল ৯৮ কোটি টকা।
