এইবাৰ খেতিত নামিব নেকি বলিউডৰ ছুপাৰষ্টাৰ শ্বাহৰুখ খানৰ কন্যা সুহানা খান? কিয়নো শেহতীয়াকৈ মুম্বাইৰ আলিবাগত ১২.৯১ কোটি টকাত বিশাল পৰিমাণৰ খেতিৰ মাটি ক্ৰয় কৰিছে সুহানাই। জানিব পৰা মতে, সুহানা খানে মুম্বাইৰ আলিবাগত প্ৰায় ১.৫ একৰ কৃষিভূমি ক্ৰয় কৰিছে ।
উল্লেখ্য যে ছুপাৰষ্টাৰগৰাকীৰ কন্যা সুহানাই নতুনকৈ খোজ দিছে বলিউড জগতত। কিছুদিনৰ পিছত মুক্তি পাবলগা ‘দ্য আৰ্চিজ’ নামৰ বোলছবিখনৰ দ্বাৰাই প্ৰথম বাৰৰ পৰ্দাত নিজৰ চেহেৰা দেখাব সুহানা খানে।
শেহতীয়াকৈ সুহানাই ছবিখনৰ কলা-কুশলীৰ সৈতে ব্ৰাজিলত অনুষ্ঠিত হোৱা TUDUM অনুষ্ঠানত উপস্থিত হৈছিল ৷ এই অনুষ্ঠানতেই মুকলি কৰা হৈছিল এই ছবিখনৰ ট্ৰেইলাৰ । এই অনুষ্ঠানত এক সুন্দৰ নৃত্যৰ জৰিয়তে দৰ্শকৰ মন জয় কৰিছিল সুহানাই।
সেই অনুষ্ঠানৰ পিছতেই শেহতীয়াকৈ পুনৰ চৰ্চালৈ আহিছে সুহানা ৷ অৱশ্যে এইবাৰ ছবিৰ কাৰণে নহয়, বৰঞ্চ অন্য এক কাৰণত হে সামাজিক মাধ্যমৰ চৰ্চালৈ আহিছে সুহানা ৷ সুহানাই ১২.৯১ কোটি মূল্যৰ কৃষিভূমি ক্ৰয় কৰিছে । সুহানাই ১২.৯১ কোটি টকাত আলিবাগৰ থাল গাঁৱৰ ১.৫ একৰ কৃষিভূমি ক্ৰয় কৰিছে সুহানাই।
এই খবৰ ছ’চিয়েল মিডিয়াত বিয়পি পৰাৰ লগে লগেই চৰ্চালৈ আহিছে সুহানা ৷ উল্লেখ্য যে ১ জুনত সুহানা খানে এই কৃষিভূমিৰ চুক্তি কৰিছিল । একে সময়তে সুহানা খানে এই মাটিৰ বাবে ৭৫ লাখৰো অধিক ষ্টাম্প ডিউটি আদায় দিছে ।
এই খিনিতে প্ৰশ্নৰ উদয় হৈছে যে ইমান বিশাল পৰিমাণৰ কৃষিভূমি কি কৰিব শ্বাহৰুখ কন্যাই ? সততেই বহুতৰ মনলৈ আহিছিল – হয়তো এই কৃষিভূমিত ফচল উৎপাদন কৰিব তৰুণ অভিনেত্ৰীগৰাকীয়ে। কিন্তু এই মাটি কৃষিৰ বাবে ব্যৱহাৰ নকৰে শ্বাহৰুখ কন্যাই।
সংবাদ মাধ্যমৰ খবৰ অনুসৰি এই বিশাল পৰিমাণৰ মাটিত ইতিমধ্যেই অট্টালিকা নিৰ্মাণৰ কাম আৰম্ভ হৈছে। অঞ্জলি, ৰেখা আৰু প্ৰিয়া নামৰ তিনিগৰাকী ভগ্নীৰ পৰা বৃহৎ অংকৰ ধনৰ বিনিময়ত নিৰ্মাণ কাৰ্যৰ বাবে সুহানাই ক্ৰয় কৰিছে এই ভূমি।
উল্লেখ্য যে সুহানাৰ প্ৰথম ছবি ‘দ্য আৰ্চিজ’ অতি সোনকালে নেটফ্লিক্সত মুক্তি পাব । একে সময়তে শ্বাহৰুখ খানৰ ‘জোৱান অৰ ডাংকি’ অতি সোনকালেই ছবিগৃহলৈ আহিব।
