অৱশেষত ভাৰতীয় জাতীয় দলত স্থান কৰিলে এগৰাকী অসম কন্যাই। ভাৰতীয় মহিলা ক্ৰিকেট দলত স্থান লাভ কৰা ক্ৰিকেটাৰগৰাকী হৈছে উমা ছেত্ৰী।
উমা ছেত্ৰীয়ে টী-২০ আৰু এদিনীয়া দুয়োটা দলতে অন্তৰ্ভুক্ত হৈছে । তেওঁ বাংলাদেশত অনুষ্ঠিত হ’বলগীয়া তিনিখনকৈ টী-২০ আৰু এদিনীয়াত খেলিব।
দেওবাৰ বিচিচিআয়ে ঘোষণা কৰে ভাৰতীয় মহিলা ক্ৰিকেট দলৰ খেলুৱৈসকলৰ নাম। উমা এগৰাকী প্ৰতিভাৱান উইকেটকীপাৰ আৰু বেটাৰ।
অসমৰ বোকাখাতৰ ২০ বছৰীয়া ক্ৰিকেটাৰগৰাকীয়ে যেতিয়াই সুযোগ পাইছে তাৰ ব্যৱহাৰ কৰিবলৈ যৎপৰোনাস্তি চেষ্টা চলাই আহিছে।
শেহতীয়াকৈ হংকঙত অনুষ্ঠিত হোৱা মহিলা ইমাৰ্জিং এছিয়া কাপ (টি-২০)ত ভাৰত ‘এ’ৰ হৈ গুৰুত্বপূৰ্ণ ভূমিকা পালন কৰিছিল ক্ৰিকেটাৰগৰাকীয়ে।
Schedule: India Women's Tour of Bangladesh 2023 🚨#CricketTwitter #BANvIND pic.twitter.com/E2CJLnV3Xe
— Female Cricket (@imfemalecricket) July 2, 2023
হৰমনপ্ৰীত কৌৰৰ নেতৃত্বত বিচিচিআইয়ে ঘোষণা কৰা নিৰ্বাচিত ভাৰতীয় খেলুৱৈসকল হৈছে –
সম্পূৰ্ণ টীম (টি২০): হৰমনপ্ৰীত কৌৰ (অধিনায়ক), স্মৃতি মন্ধনা (সহ অধিনায়ক), দীপ্তি শৰ্মা, শ্বেফালী বাৰ্মা, জেমিমা ৰ’ড্ৰিগজ, যস্তিকা ভাটিয়া (উইকেট কীপাৰ), হৰলিন দেওল, দেৱীকা বৈদ্য, উমা ছেত্ৰী (উইকেট কীপাৰ), অমনজোত কৌৰ, এছ মেঘনা, পূজা বষ্ট্ৰকাৰ, মেঘনা সিং, অঞ্জলি ছাৰ্ৱানী, মনিকা পেটেল, ৰাশি কানোজিয়া, অনুষা বাৰেড্ডী, মিন্নু মণি।
(এদিনীয়া): হৰমনপ্ৰীত কৌৰ (অধিনায়ক), স্মৃতি মান্ধনা (সহ অধিনায়ক),, দীপ্তি শৰ্মা, শ্বেফালী বাৰ্মা, জেমিমা ৰ’ড্ৰিগজ, যস্তিকা ভাটিয়া (উইকেট কীপাৰ), হৰলিন দেওল, দেৱীকা বৈদ্য, উমা ছেত্ৰী (উইকেট কীপাৰ), অমনজোত কৌৰ, প্ৰিয়া পুনিয়া, পূজা বষ্ট্ৰকাৰ , মেঘনা সিং, অঞ্জলি ছাৰ্ৱানী, মনিকা পেটেল, ৰাশি কানোজিয়া, অনুষা বাৰেড্ডী, স্নেহ ৰাণা।
