মণিপুৰ চৰকাৰে অবৈধ বাংকাৰ ধ্বংস কৰাৰ সিদ্ধান্তক লৈ বিৰোধিতা হৈছে। খিলঞ্জীয়া জনজাতি নেতাৰ মঞ্চই কয় যে বাংকাৰসমূহ ধ্বংস হ’লে কুকি-জো জনজাতীয় গাঁওসমূহ “উগ্ৰ মেইটেই বন্দুকধাৰী আৰু উন্মত্ত গোট”ৰ আক্ৰমণৰ সন্মুখীন হ’বলগীয়া হ’ব। এই সিদ্ধান্ত কুকি-জো আদিবাসীসকলৰ বাবে সুখকৰ নহয় বুলিও লগতে কোৱা হৈছে।
সোমবাৰে সন্ধিয়া ইউনিফাইড কমাণ্ডৰ এখন বৈঠকৰ অধ্যক্ষতা কৰি মুখ্যমন্ত্ৰী এন বীৰেণ সিঙে কৈছিল যে চৰকাৰে গাঁওবাসীয়ে নিৰ্মাণ কৰা সকলো বাংকাৰ ধ্বংস কৰিবলৈ বাহিনী নিয়োগ কৰাৰ সিদ্ধান্ত লৈছে।
লগতে পঢ়ক: চকুৰ পলকতে পাহাৰৰ পৰা খহি পৰা শিলে ভাঙি পেলালে গাড়ী; মৃ্ত্যু ২জনৰ, চাওক ভিডিঅ’
আই টি এল এফে কয় যে বৃহৎ সংখ্যক নিৰাপত্তাৰক্ষী নিয়োগ কৰাৰ লগতে সামৰিক বাফাৰ জ’ন স্থাপন কৰাৰ পাছতো প্ৰায় প্ৰতিদিনে জনজাতীয় গাঁওসমূহত আক্ৰমণ চলিছিল, যাৰ ফলত লোকৰ মৃত্যু হোৱাৰ লগতে ঘৰ-দুৱাৰ ধ্বংস হৈছে।
জনজাতীয় সংগঠনটোৱে কয় যে মেইইটেই বসতিস্থলত বাংকাৰৰ প্ৰয়োজন নাই কাৰণ জনজাতীয় লোকে আক্ৰমণ নকৰে; কিন্তু জনজাতীয় লোকৰ বাবে বাংকাৰ অভিযানৰ বিৰুদ্ধে তেওঁলোকৰ প্ৰতিৰক্ষাৰ এক অপৰিহাৰ্য অংশ।
তদুপৰি তেওঁলোকে কয় যে যিজন মুখ্যমন্ত্ৰীয়ে নিজৰ সহ নাগৰিকক ‘অবৈধ অনুপ্ৰৱেশকাৰী’ বুলি কয় আৰু ৰাজ্যিক প্ৰশাসক হোৱাৰ পিছতো এটা সম্প্ৰদায়ৰ “মুকলিকৈ পক্ষ” লয়, তেওঁক জনজাতীয়সকলে বিশ্বাস কৰিব নোৱাৰে।
লগতে পঢ়ক: ত্ৰিপ্ৰা মথাৰ মুৰব্বী প্ৰদ্যুৎ দেৱ বাৰ্মাই ত্যাগ কৰিলে ৰাজনীতি আৰু ৰাজহুৱা জীৱন
আই টি এল এফে অভিযোগ কৰি কয়, ‘সশস্ত্ৰ মেইটেই গোটে লাংজা গাঁৱত আক্ৰমণ কৰাৰ পিছত শেহতীয়াকৈ ছাগাং অঞ্চল ভ্ৰমণৰ সময়ত মুখ্যমন্ত্ৰীৰ পক্ষপাতিত্ব সম্পূৰ্ণৰূপে প্ৰদৰ্শিত হৈছিল। তেওঁ কেৱল মেইটেইসকলৰ ওচৰলৈ গৈ সমবেদনা জ্ঞাপন কৰিছিল, একে সময়তে ৩০টা জনজাতীয় ঘৰ জ্বলোৱা আৰু এজন নিৰস্ত্ৰ জনজাতীয় যুৱকৰ নৃশংস হত্যা আৰু মূৰ কাটি পেলোৱা ঘটনাক সম্পূৰ্ণৰূপে আওকাণ কৰিছিল।’
কোৱা হৈছে যে “হিংসা নিয়ন্ত্ৰণ কৰিবলৈ উপৰুৱা ব্যৱস্থা যথেষ্ট নহয়।” ৰাজ্যত ৰাষ্ট্ৰপতিৰ শাসন কাৰ্যকৰী কৰি সকলো পক্ষকে নিজৰ ন্যায় প্ৰদৰ্শন কৰিবলৈ কেন্দ্ৰক আহ্বান জনোৱা হৈছে। ৩ মে’ত আৰম্ভ হোৱা মণিপুৰৰৰ এই হিংসাত্মক পৰিস্থিতিত এতিয়ালৈকে ১২০ জনতকৈ অধিক লোকৰ মৃত্যু হোৱাৰ লগতে আন আনুমানিক ৫০ হাজাৰ লোক গৃহহীন হৈছে।
ইফালে মণিপুৰত সংঘটিত হোৱা অবিৰত হিংসাক লৈ গভীৰ উদ্বেগ প্ৰকাশ কৰি মিজোৰামৰ মুখ্যমন্ত্ৰী জোৰামথাংগাই মঙলবাৰে কয় যে শান্তি পুনৰুদ্ধাৰৰ বাবে তাৎক্ষণিক উপায় বিচাৰি উলিওৱাটো ভাৰতৰ দায়বদ্ধ আৰু আইন পালনকাৰী নাগৰিক বা সত্তাৰ দায়িত্ব।
লগতে পঢ়ক: ধনী লোকৰ কাণ্ড! বন্ধ গাড়ীত পোহনীয়া কুকুৰ থৈ চাবলৈ গ’ল তাজমহল, উশাহ নাপাই গাড়ীতে মৃত্যু প্ৰভুভক্তৰ
মণিপুৰীসকলৰ বাবে বাংকাৰ কিয় ইমান প্ৰয়োজনীয় হৈ পৰিছে? নিৰাপত্তা বাহিনী থকাৰ পিছতো মণিপুৰত হিংসাত্মক পৰিস্থিতিৰ সৃষ্টি হোৱাৰ পিছত মেইটেই আৰু কুকি সম্প্ৰদায়ৰ বহু সশস্ত্ৰ লোক বাংকাৰত বাস কৰে। এই বাংকাৰবোৰ বেছিভাগেই কুকি গাঁৱৰ কাষৰ পাহাৰীয়া পাদদেশ অঞ্চলত আছে। ইয়াৰে কিছুমান লোক অতি সুশিক্ষিত। ৰাজ্যখনৰ গাঁওসমূহত এতিয়া নিজাকৈ সশস্ত্ৰ স্বেচ্ছাসেৱী গোট আছে।
