মূল্যবৃদ্ধিয়ে কোঙা কৰি পেলোৱা এই দিনবোৰত এক কিলোমিটাৰ যাবলৈ যদি ১০ পইচা খৰছ হ’ব বুলি কোৱা হয় তেন্তে আপুনি বিশ্বাস কৰিবনে? বিশ্বাস নকৰিলেও উপায় নাই। ইয়ে সঁচা।
টাটা গ্ৰুপৰ সমৰ্থিত কোম্পানী ষ্ট্ৰাইডাৰে এই কথা দাবী কৰিছে। শেহতীয়াকৈ কোম্পানীটোৱে দেশৰ বজাৰত এখন নতুন ইলেক্ট্ৰিক বাইক ‘ষ্ট্ৰাইডাৰ জিটা প্লাছ’ মুকলি কৰিছে। যাৰ দাম তেনেই সুলভ।
দৰাচলতে পৰিৱেশ প্ৰদূষণ কমোৱাৰ বাবে বৈদ্যুতিক বাহনৰ প্ৰতি মানুহৰ প্ৰৱলতা বাঢ়ি আহিছে। যাতে মানুহৰ বাবে বিকল্পৰ অভাৱ নহয়, সেয়ে ইখনৰ পিছত সিখনকৈ ইলেক্ট্ৰিক গাড়ী দেশত মুকলি কৰা হৈছে। এনে এখন বাহন হৈছে টাটাৰ ‘ষ্ট্ৰাইডাৰ জিটা’।
বাইকখনৰ কি কি বৈশিষ্ট্য আছে? বাইকখনৰ দাম কিমান?
জানিব পৰা মতে, এই নতুন বাহনখনৰ সৰ্বোচ্চ গতিবেগ প্ৰতি ঘণ্টাত ২৫ কিলোমিটাৰ। মূলতঃ বাইকখন হালফিল ফেশ্বন ষ্টীল হাৰ্ডটেইল ফ্ৰেমৰ সৈতে তৈয়াৰ কৰা হৈছে। ষ্ট্ৰাইডাৰ জেটাৰ দুয়োটা মূৰত শক্তিশালী অটো-কাট ব্ৰেক আৰু ডিস্ক ব্ৰেক আছে।
অৰ্থাৎ আজিৰ যুৱক-যুৱতীসকলে এই ইলেক্ট্ৰিক বাইকখন সহজে চলাব পাৰে বুলি কোম্পানীটোৰ বিশ্বাস কৰে।
এই মুহূৰ্তত বজাৰত টাটাৰ কেইবাখনো ইলেকট্ৰিক বাইক উপলব্ধ। ইয়াৰ ভিতৰত উল্লেখযোগ্য হ’ল ভল্টিক ১.৭, ইটিবি ১০০ আৰু ভল্টিক গ’। সমগ্ৰ দেশতে কোম্পানীটোৰ প্ৰায় ৪ হাজাৰ খুচুৰা বিপণী আছে।
আমি কোৱা ইলেক্ট্ৰিক বাইকখনৰ আৰম্ভণিৰ মূল্য ২৬,৯৯৫ টকা। বৰ্তমান এই বাইকখন সেউজীয়া আৰু ধোৱাবৰণীয়া দুটা ৰঙত উপলব্ধ।
নতুন মুকলিৰ সন্দৰ্ভত ষ্ট্ৰাইডাৰৰ ব্যৱসায়িক মুৰব্বী ৰাহুল গুপ্তাই কয়, ‘চাইকেল ব্যৱসায়ত ষ্ট্ৰাইডাৰৰ সুনাম আছে। আমি দেশত বিকল্প শক্তিৰ ব্যৱহাৰক উৎসাহিত কৰিবলৈ চেষ্টা কৰিছো। এই বৈদ্যুতিক চাইকেলখন ষ্ট্ৰাইডাৰৰ অফিচিয়েল ৱেবছাইটত বিক্ৰী কৰা হৈছে। গতিকে ব্যায়ামৰ বাবে চাইকেল চলোৱা বা নিয়মীয়াকৈ চাইকেল চলাবলৈ ভাল পোৱাসকলৰ বাবে ই অতি ফলপ্ৰসূ হ’ব পাৰে।
