বদৰুদ্দিন আজমল নেতৃত্বাধীন অল ইণ্ডিয়া ইউনাইটেড ডেম’ক্ৰেটিক ফ্ৰণ্টে অসমৰ সমষ্টি পুনৰ নিৰ্ধাৰণ প্ৰক্ৰিয়াৰ বিৰুদ্ধে উচ্চতম ন্যায়ালয়ৰ দ্বাৰস্থ হৈছে।
অসমত চলি থকা সমষ্টিৰ সীমা নিৰ্ধাৰণৰ বিৰুদ্ধে উচ্চতম ন্যায়ালয়ত আবেদন দাখিল কৰিছে এ আই ইউ ডি এফে।
অসমত সীমা নিৰ্ধাৰণৰ কচৰৎৰ বিৰুদ্ধে এই আবেদন উচ্চতম ন্যায়ালয়ত দাখিল কৰিছে দলটোৰ কেন্দ্ৰীয় সমিতিৰ উপ-সভাপতি বিধায়ক চুজাম উদ্দিন লস্কৰে।
উল্লেখ্য এআইইউডিএফৰ উপৰিও অসমৰ আন কেইবাটাও বিৰোধী দলেও ৰাজ্যত সীমা নিৰ্ধাৰণ প্ৰক্ৰিয়াক লৈ আপত্তি দাঙি ধৰিছে।
ইয়াৰ পূৰ্বে সীমা নিৰ্ধাৰণ প্ৰক্ৰিয়াত ইচিআইৰ ভূমিকা সন্দৰ্ভত ভাষণ দি অসম কংগ্ৰেছৰ সাংসদ তথা লোকসভাত দলৰ উপ-নেতা গৌৰৱ গগৈয়ে কয় যে নিৰ্বাচনী আয়োগ শাসকীয় বিজেপিৰ ক্ষমতা দখল কৰা আহিলা হৈ পৰিছে।
গগৈয়ে দাবী কৰে যে আয়োগে ৰাজ্যৰ “বিৰোধী দল বা জনসাধাৰণৰ লগত আলোচনা নকৰাকৈ অসমত সীমা নিৰ্ধাৰণৰ অনুশীলন চলাইছে।”
তেওঁ কয় যে আয়োগে ২০১১ চনৰ লোকপিয়লৰ তথ্য ব্যৱহাৰৰ পৰা বিৰত থাকি ইয়াৰ পৰিৱৰ্তে অসমৰ সীমা নিৰ্ধাৰণৰ অনুশীলনৰ বাবে ২০০১ চনৰ ২০ বছৰীয়া লোকপিয়লৰ ওপৰত নিৰ্ভৰ কৰিছে।
উল্লেখ্য যে কংগ্ৰেছকে ধৰি অসমৰ এঘাৰটা বিৰোধী দলে সীমা নিৰ্ধাৰণৰ বিৰুদ্ধে ইচিআইক স্মাৰক পত্ৰ দাখিল কৰিছিল।
কংগ্ৰেছৰ উপৰিও সীমা নিৰ্ধাৰণৰ অনুশীলনত আপত্তি উত্থাপন কৰা অসমৰ আন দলসমূহ হ’ল- ৰাইজৰ দল, অসম জাতীয় পৰিষদ (এজেপি), জাতীয় দল, টিএমচিৰ ৰাজ্যিক ইউনিট, এনচিপি, চিপিআই, চিপিআই-এম, চিপিআই-এমএল, আৰজেডি আৰু জেডি-ইউ।
