শাক-পাচলিৰ মূল্যবৃদ্ধিত জুৰুলা সাধাৰণ জনতা; পৰিস্থিতিৰ বুজ ল’বলৈ পুৱাই দিল্লীৰ বজাৰত ৰাহুল গান্ধী

কাহিলীপুৱা চাৰি বজাতে দিল্লীত পোনে পোনে বজাৰ পালেহি ৰাহুল গান্ধী। শাক-পাচলি বিক্ৰেতাসকলৰ লগত বহু সময় কথাও পাতিলে। তেওঁ শাক-পাচলিৰ দামকলৈ কৌতুহল প্ৰকাশ কৰে। প্রাক্তন সাংসদগৰাকীয়ে বিতংভাৱে জানিব বিচাৰে কোনবোৰ শাক-পাচলি কিমান বিক্ৰী কৰা হৈছে। কংগ্ৰেছে দলে নেতাগৰাকীৰ বজাৰ ভ্ৰমণৰ ভিডিঅ’ টুইট কৰে। উল্লেখ্য যে ৰাহুলে কিছুদিন পূৰ্বে ৰামেশ্বৰৰ এজন শাক-পাচলি বিক্ৰেতাৰ সৈতে কথা পাতিছিল।

সমগ্ৰ দেশতে দৈনিক অত্যাৱশ্যকীয় শাক-পাচলিৰ দাম দ্ৰুতগতিত বৃদ্ধি পাইছে। ক্ৰেতাৰ লগতে মূল্যবৃদ্ধিৰ বাবে শাক-পাচলি বিক্ৰেতাসকলো সমস্যাৰ সন্মুখীন হৈছে। তেওঁলোকৰ ব্যৱসায় অহৰহ ক্ষতিগ্ৰস্ত হৈ আছে। এনে পৰিস্থিতিত ৰাহুল গান্ধীয়ে দিল্লীৰ আজাদপুৰ মণ্ডী পালেগৈ।

লগতে পঢ়ক: দুই সুন্দৰীৰ যুঁজ! আদালতত জেকলিনৰ বিৰুদ্ধে নতুন অভিযোগ নোৰাৰ

তেওঁ বিক্ৰেতাসকলৰ সৈতে শাক-পাচলিৰ দামৰ বিষয়ে আলোচনা কৰে। আজাদপুৰ মণ্ডী দেশৰ অন্যতম বৃহৎ শাক-পাচলিৰ বজাৰ। প্ৰাক্তন সাংসদগৰাকীয়ে তালৈ গৈ কিছু সময় ঘুৰি বজাৰ পৰিদৰ্শন কৰে।

দিল্লীৰ কেইবাটাও অঞ্চলত প্ৰতি কেজিত ২০০ টকাকৈ বিলাহী বিক্ৰী কৰা হৈছে। অন্য শাক-পাচলিৰ দাম ১০০ টকা অতিক্ৰম কৰিছে। এনে পৰিস্থিতিত বিপাঙত পৰা সাধাৰণ জনতাৰ সমস্যাৰ বুজ ল’বলৈকে ৰাহুলৰ এই বজাৰ ভ্ৰমণ। তেওঁৰ ভিডিঅ’টো টুইট কৰি কংগ্ৰেছে কয়, ‘জননায়ক ৰাহুল গান্ধীয়ে আজাদপুৰ মণ্ডী ভ্ৰমণ কৰি ফল-মূল আৰু পাচলি বিক্ৰেতাসকলৰ সৈতে কথা পাতিছিল। কাৰণ তেওঁ মানুহৰ সমস্যা বুজি পায়।”

जननायक राहुल गांधी जी आज दिल्ली की आजादपुर मंडी में सब्जी और फल विक्रेताओं से मिले।

राहुल जी ने उनकी समस्याओं को जाना और समझा।

भारत जोड़ो यात्रा जारी है… 🇮🇳 pic.twitter.com/g0PuMD3tEi

— Congress (@INCIndia) August 1, 2023

উল্লেখ্য যে কিছুদিন পূৰ্বে তেওঁ আঁঠুৰ চিকিৎসাৰ বাবে কেৰালালৈ গৈছিল। সেই সময়ত তেওঁ ৰামেশ্বৰৰ এজন শাক-পাচলি বিক্ৰেতাক লগ পাইছিল। প্ৰায় কাতৰভাৱে তেওঁ কংগ্ৰেছ নেতাজনক কৈছিল, ‘বিলাহীৰ খুব দাম, সেয়ে কিনিবলৈ সামৰ্থ্য নাই। বিলাহী একেবাৰতে বিক্ৰী কৰিব পাৰিম নে নাই নাজানো। গুদামত ৰাখিব লগা হ’লে পুনৰ লোকচান হ’ব।” এই কথা-বতৰাৰ ভিডিঅ’টো টুইট কৰি ৰাহুলে লিখিছিল যে প্ৰশাসনে দেশখনক দুটা ভাগত বিভক্ত কৰিছে।