১/ মই বিয়া কৰোঁৱা এবছৰেই হ’ল। কিন্তু মোৰ পত্নী শাৰীৰিক সম্পৰ্কৰ প্ৰতি একেবাৰেই উদাসীন। মই মানসিকভাবে অশান্তিত ভুগিছোঁ। কি কৰা যায়? (নাম- জয়ন্ত কাকতি,বয়স – ৩৬ , মাকুম )
উঃ বৰ বেয়া কথা হ’ল। ঘটনাটো কি তেওঁৰ লগত ভালকৈ আলোচনা কৰক। প্ৰথমতে কেতিয়াবা তেনেকুৱা হয়। কিন্তু, ইমান দিনতো এনেকৈ থাকিব নালাগে। পতী পত্নীৰ মাজৰ শাৰীৰিক সম্পৰ্ক এটা স্বাভাবিক কথা।তেওঁ সমকামী নহয়তো? এবাৰ মনোবিশেজ্ঞৰ লগত কথাটো পাতকচোন।
২/ মই ল’ৰা এজনক ভাল পাওঁ। কিন্তু সি নিবনুৱা। যাৰ বাবে মোৰ পৰিয়ালে তাৰ লগত মই বিয়া হোৱাটো বিচৰা নাই। মই কি কৰোঁ? ( নাম প্ৰকাশত অনিচ্ছুক)
উঃ এইটো এটা সাধাৰণ প্ৰশ্ন। তোমাৰ বা তেওঁৰ সংস্থাপনৰ কিবা এটা ব্যৱস্থাটো লাগিব,নহ’লে তোমালোক কেনেকৈ চলিবা। তেওঁৰ ভৱিষ্যত পৰিকল্পনা কি? দুয়ো কথাটো ভালকৈ আলোচনা কৰা।
৩/ আমাৰ অঞ্চলৰ স্থানীয় নেতা এজন অতি চৰিত্ৰহীন, আমাৰ লগৰবোৰে মিলি তাক প্ৰহাৰ কৰাৰ সিদ্ধান্ত লৈছে। কিন্তু এইটো ভাল হ’ব জানো? (নাম – ৰূপজ্যোতি কুমাৰ, বয়স – ২১)
উঃ এইটো আৰু কি সুধিব লগা কথা হ’ল? তুমি কেনেকৈ আইন হাতত তুলি ল’বা? আৰু চৰিত্ৰহীন মানে কি? চৰিত্ৰৰ ব্যাখ্যা বা তুমি কেনেকৈ কৰিছা?
(উত্তৰদাতা – অৰিন্দম বৰুৱা)
