বলীউডৰ আটাইতকৈ জনপ্ৰিয় অভিনেতা ছলমান খান। তিনি দশক ধৰি বলীউড চলচ্চিত্ৰ জগতৰ একচত্ৰী অভিনেতা চলমান খান। কেৰিয়াৰত তেওঁ দৰ্শকক এখনেৰ পিছত এখনকৈ হিট চিনেমা উপহাৰ দিছে।
বৰ্তমান তেওঁ কোটি কোটি টকাৰ মালিক। কিন্তু আপুনি জানেনে যে ইমান ডাঙৰ ছুপাৰষ্টাৰ নায়ক হোৱাৰ পিছতো জেলত থকা অৱস্থাত তেওঁ শৌচাগাৰ চাফা কৰিবলগীয়া হৈছিল? বিগ বছৰ মঞ্চত তেওঁ এই কথা স্বীকাৰ কৰিছিল।
চলিত বৰ্ষত ছলমানৰ প্ৰথমখন ছবি মুক্তি পোৱাৰ পিছত বক্স অফিচত আৰু অনুৰাগীৰ মনত কোনো স্থান দখল কৰিব পৰা নাছিল। ‘কিছি কা ভাই কিছি জান’ চিনেমাখন আৰ্থিকভাৱে ইমান সফল নহ’ল। কিন্তু পৰৱৰ্তী ছবিখনক লৈ আশাবাদী ছলমান। ইয়াৰ উপৰিও তেওঁ এতিয়া বিগ বছৰ অ’টিটি আয়োজন কৰাত ব্যস্ত। আৰু সেই মঞ্চতে ভাইজানে নিজৰ জীৱনৰ এক চৰম সত্য উদঙাই দিলে।
উল্লেখ্য যে, বিগ বছৰ ২ৰ গ্ৰেণ্ড ফিনালেত মহেশ ভাটৰ কন্যা পূজা ভাট স্থান লাভ কৰে। মহেশ ভাটৰ কন্যাই প্ৰথম অৱস্থাত শীৰ্ষ পাঁচটা স্থানৰ পৰা বাদ পৰিছিল। অৱশ্যে বাহিৰ হোৱাৰ পূৰ্বে মহেশৰ কন্যাক প্ৰশংসা কৰি ছলমানে কয় যে শৌচাগাৰ পৰিষ্কাৰ কৰি ৰখাৰ ক্ষেত্ৰত পূজাৰ উন্মাদনা সঁচাকৈয়ে প্ৰশংসনীয়।
ইয়াৰ পিছত নিজৰ জীৱনৰ উদাহৰণ দি ছলমানে কয়, ‘বৰ্ডিং স্কুলত থাকোঁতে মই নিজেই শৌচাগাৰ চাফা কৰিছিলোঁ। আনকি, জেলত থকাৰ সময়তো একে কাম কৰিবলগীয়া হৈছিল। সৰুৰে পৰা মোৰ নিজৰ কামত অভ্যস্ত আছিলোঁ। আচলতে কোনো কামেই মোৰ বাবে বৰ ডাঙৰ বা সৰু নহয়।
উল্লেখ্য যে, ১৯৯৮ চনত যোধপুৰত এখন ছবিৰ শ্বুটিংৰ সময়ত ছলমান খানে দুটা ব্লেকবাক হত্যা কৰাৰ অভিযোগ উত্থাপন হৈছিল। ব্লেকবাক চোৰাং চিকাৰৰ গোচৰত যোধপুৰ আদালতে ছলমান খানক ৫ বছৰৰ কাৰাদণ্ডৰ শাস্তি প্ৰদান কৰে। পিছত উচ্চ ন্যায়ালয়ৰ পৰা জামিন লাভ কৰে অভিনেতাজনে। গোচৰটো এতিয়াও আদালতত বিচাৰাধীন হৈ আছে।
