বানত বিধ্বস্ত হৈ পৰিছে লিবিয়া। দুই নদীবান্ধ ভিঙি যোৱাৰ ফলত সৃষ্টি হোৱা প্ৰলয়ংকাৰী বানত এইপৰ্যন্ত নিহত হৈছে পাঁচ শতাধিক লোক। উদ্ধাৰ হোৱা নিহত লোকৰ মৃতদেহ সমাধিস্থ কৰা হৈছে গণকবৰত।
আফ্ৰিকান দেশখনৰ উত্তৰে থকা ডেৰ্না নগৰত দেওবাৰে দুটা নদীবান্ধ ভাঙি পৰাৰ পিছতে ভয়াৱহ দুৰ্যোগৰ কবলত পৰে চহৰখন। স্থানীয় এগৰাকী বিষয়াৰ মতে, এইপৰ্যন্ত নিহতৰ সংখ্যা ৫,৩০০ অতিক্ৰম কৰিছে।
ইফালে এই প্ৰলয়ংকাৰী বানত ফলত প্ৰায় ১০ হাজাৰ লোক নিৰুদ্দেশ হৈছে। স্থানীয় প্ৰশাসনে এইপৰ্যন্ত সন্ধানহীনসকলৰ অধিকাংশৰে মৃত্যু হোৱাৰ সম্ভাৱনা আছে বুলি শংকা প্ৰকাশ কৰিছে।
দেশখনৰ এনে বিপৰ্যয়ৰ মাজতে ইজিপ্তকে ধৰি কিছু দেশে সাহায্য প্ৰেৰণ কৰিছে যদিও লিবিয়াৰ ৰাজনৈতিক পৰিস্থিতিৰ বাবে উদ্ধাৰৰ প্ৰচেষ্টাত বাধাৰ সৃষ্টি হৈছে।
আমেৰিকা, জাৰ্মানী, ইৰাণ, ইটালী, কাটাৰ আৰু তুৰস্কয়ো এনে শোকাৱহ পৰিস্থিতিৰ সন্মুখীন হোৱা লিবিয়ালৈ সাহায্য প্ৰেৰণ কৰিবলৈ সাজু হৈছে।
