অবাঞ্চিত ধাৰণ আৰু যৌন সংক্ৰমণ (STI) দুয়োটাকে প্ৰতিৰোধৰ বাবে কণ্ডম বা নিৰোধ অন্যতম ফলপ্ৰসূ আৰু সহজে উপলব্ধ পদ্ধতি।
কিন্তু কণ্ডম ব্যৱহাৰ কৰিবলৈ বহুতেই টান পায়। কণ্ডমৰ ব্যৱহাৰে যৌনতাৰ আনন্দ হ্ৰাস কৰে বুলি বহুতেই বিশ্বাস কৰে।
যদি আপুনি কণ্ডম ব্যৱহাৰ নকৰাকৈ অবাঞ্চিত গৰ্ভধাৰণ প্ৰতিৰোধৰ বিকল্প পদ্ধতি বিচাৰিছে, তেন্তে আপুনি অন্য ধৰণৰ গৰ্ভনিৰোধ ব্যৱস্থা গ্ৰহণ কৰিব পাৰে –
ইয়াত কিছুমান বিকল্প দিয়া হ’ল:
১) জন্ম নিয়ন্ত্ৰণ বড়ি : জন্ম নিয়ন্ত্ৰণ বড়ি হৈছে গৰ্ভনিৰোধৰ এক হৰম’ন পদ্ধতি যিটো সঠিকভাৱে গ্ৰহণ কৰিলে গৰ্ভধাৰণৰ পৰা বাচি থাকিব পাৰি।
২) Intrauterine Device (IUD) : আই ইউ ডি হৈছে স্বাস্থ্যসেৱা প্ৰদানকাৰীয়ে জৰায়ুত সুমুৱাই দিয়া সৰু, টি আকৃতিৰ যন্ত্ৰ। ইয়াত হৰম’ন আৰু নন-হৰম’ন বিকল্প উপলব্ধ। ইয়াৰ দ্বাৰা দীৰ্ঘদিনীয়া সময় গৰ্ভধাৰণৰ পৰা বাচি থাকিব পাৰি।
৩) গৰ্ভনিৰোধক ইমপ্লাণ্ট : এইটো এটা সৰু নিডুল। যিটো স্বাস্থ্যসেৱা প্ৰদানকাৰীয়ে আপোনাৰ বাহুৰ ছালৰ তলত সুমুৱাই দিয়ে। ই গৰ্ভধাৰণ প্ৰতিৰোধৰ বাবে হৰম’ন নিৰ্গত কৰে। এইটো পদ্ধতি ব্যৱহাৰ কৰি বিহুদিনলৈকে অবাঞ্চিত গৰ্ভধাৰণ ৰোধ কৰিব পাৰি।
৪/ Depo-Provera Shot: এইটো এটা বেজী যিটো প্ৰতি তিনিমাহৰ মূৰে মূৰে ল’ব লাগে। ইয়াত গৰ্ভনিৰোধক হৰম’ন থাকে যিয়ে গৰ্ভধাৰণত বাধা দিয়ে।
৫) জন্ম নিয়ন্ত্ৰণ পেচ (Birth Control Patch): গৰ্ভনিৰোধক পেচ হৈছে এটা সৰু আঠাযুক্ত পেচ। ই গৰ্ভধাৰণ ৰোধ কৰিবলৈ হৰম’ন নিৰ্গত কৰে। সপ্তাহৰ মূৰে মূৰে এইটো সলাই থাকিব লাগে। ই হৈছে ছালত লগোৱা এটা আঠাযুক্ত পেচ।
৬) জন্ম নিয়ন্ত্ৰণ আঙঠি (Birth Control Ring) : এইটো এটা সৰু আৰু নমনীয় আঙঠি। ইয়াক যোনীৰ ভিতৰলৈ সোমোৱাই দিয়া হয়। ই গৰ্ভ নিৰোধ কৰিবলৈ হৰম’ন নিৰ্গত কৰে।
৭) প্ৰাকৃতিক পৰিয়াল পৰিকল্পনা (Fertility Awareness Method) : এই পদ্ধতিত ঋতুচক্ৰ অনুসৰণ কৰা হয়। জৰায়ুৰ উৰ্বৰ সময়ত যৌন সম্পৰ্ক এৰাই চলিব লাগে। আন পদ্ধতিতকৈ ই কম ফলপ্ৰসূ আৰু ইয়াৰ বাবে সতৰ্কতাৰ প্ৰয়োজন।
৮) জৰুৰীকালীন গৰ্ভনিৰোধক : যদি গৰ্ভনিৰোধৰ ব্যৱস্থা নকৰাকৈ যৌন সম্পৰ্ক কৰি যোনীৰ ভিতৰত বীৰ্যপাত কৰে, তেন্তে তেন্তে জৰুৰীকালীন গৰ্ভনিৰোধক বড়ি খাব লাগে। সাধাৰণতে ৭২ ঘণ্টাৰ ভিতৰত খালেহে এই বড়িয়ে কাম দিয়ে।
