ৰণবীৰ সিং আৰু দীপিকা পাডুকণ হৈছে আজিৰ তাৰিখত বলিউডৰ আটাইতকৈ জনপ্ৰিয় দম্পতী। এওঁলোকৰ প্ৰেম কাহিনী সকলোৰে মুখে মুখে। এইহাল দম্পতীয়ে শেহতীয়াকৈ বিক্ৰী কৰি দিছে দুটাকৈ বিলাসী ফ্লেট। এই কথাক লৈ এতিয়া সামাজিক মাধ্যমত চলিছে বিভিন্ন ধৰণৰ চৰ্চা। কিয় এই দম্পতিহালে দুটাকৈ বিলাসী ফ্লেট বিক্ৰী কৰি দিলে তাকে লৈ অনুৰাগী সকলৰ মাজত উত্থাপন হৈছে প্ৰশ্নৰ –
মুম্বাইৰ গোৰেগাঁও অঞ্চলত অৱস্থিত এই ফ্লেট দুটাৰ মূল্য প্ৰায় ১৫.২৫ কোটি টকা। এই তথ্য অনলাইন প্ৰপাৰ্টি কনচালটেন্সি ফাৰ্ম IndexTab.com ৰ নথি-পত্ৰৰ পৰা জানিব পৰা গৈছে।
২০১৪ চনৰ ডিচেম্বৰ মাহত ৰণবীৰে এই ফ্লেট দুটা ক্ৰয় কৰিছিল। তেতিয়া এই ফ্লেট দুটা তেওঁ ৪.৬৪ কোটি টকাত ক্ৰয় কৰিছিল।
এই ফ্লেট দুটা গোৰেগাঁও অঞ্চলৰ ওবেৰয় মলৰ সমীপত ৱেষ্টাৰ্ণ এক্সপ্ৰেছ হাইৱেত অৱস্থিত। ১৩২৪ বৰ্গফুটৰ এই ফ্লেটটোত ৬টা পাৰ্কিং স্পট আছে। প্ৰতিটো ফ্লেটৰ বাবে কেম্প ডিউটি আছিল ৪৫.৭৫ লাখ টকা। জানিব পৰা মতে, এই ফ্লেটসমূহৰ বিক্ৰী চুক্তি যোৱা ৬ নৱেম্বৰত পঞ্জীয়ন কৰা হৈছিল।
ৰণবীৰে এই ফ্লেট দুটা একেটা হাউছিং কমপ্লেক্সৰ এজন ব্যক্তিক বিক্ৰী কৰিছে। কিন্তু ৰণবীৰে হঠাতে কিয় এই ফ্লেট বিক্ৰী কৰিলে? এই সন্দৰ্ভত সোধাত অভিনেতাগৰাকীৰ পৰা কোনো সঁহাৰি পোৱা নগ’ল।
এতিয়া প্ৰশ্ন হয়, দুটা ফ্লেট একেলগে বিক্ৰী কৰি ক’ত থাকিব অভিনেতাজন? এই দুটা এপাৰ্টমেণ্টৰ বাহিৰেও ৰণবীৰৰ আন কেইবাটাও ঘৰ আছে।
২০২২ চনত তেওঁ ১১৯ কোটি টকাত পশ্চিম বান্দ্ৰাত এটা ফ্লেট ক্ৰয় কৰিছিল। তেওঁ ১৬-১৭-১৮ তাৰিখে এটা এপাৰ্টমেণ্ট আৰু বান্দ্ৰা ৱেষ্ট নামৰ অট্টালিকাৰ ১৯ মহলা কিনিছিল। এই সম্পত্তিৰ ঠিকাভিত্তিক মূল্য আছিল ১১৮.৯৪ কোটি টকা, ডাকটিকট শুল্ক আছিল ৭.১৩ কোটি টকা। বৰ্তমান অভিনেতাগৰাকী এই এপাৰ্টমেণ্টতে থাকিব বুলি জানিব পৰা গৈছে।
