যুদ্ধবিৰতিৰ প্ৰথম দিনাই হামাছ উগ্ৰপন্থী সংগঠনে কেইবাজনো যুদ্ধবন্দীক ৰেড ক্ৰছৰ হাতত গতাই দিয়ে। কাটাৰৰ বৈদেশিক পৰিক্ৰমা মন্ত্ৰালয়ৰ তথ্য অনুসৰি শুকুৰবাৰে ১৩ জন ইজৰাইলী, ১০ জন থাই আৰু এজন ফিলিপাইনছৰ লোকক মুকলি কৰি দিয়া হয়। মুঠতে যুদ্ধবিৰতিৰ প্ৰথম দিনাই ২৪ জন পণবন্দীক মুকলি কৰি দিয়া হয়।
পণবন্দীসকলক মুকলি কৰি দিয়া সন্দৰ্ভত কেইবাটাও ভিডিঅ’ পোহৰলৈ আহিছে। কেইবাখনো বগা গাড়ীত তেওঁলোকক টানি বাহিৰলৈ উলিয়াই অনা দেখা গৈছে। তাত ৰেড ক্ৰছৰ পতাকা লগোৱা আছে। একাধিক মিডিয়াৰ কেমেৰাও দেখা গৈছে। গাড়ী ভৰ্তি পণবন্দীসকলক উলিয়াই অনা হয় ।
লগতে পঢ়কঃ সকাহ! ভাৰতৰ আবেদন গ্ৰহণ কৰিলে কাটাৰে; এতিয়াই নহয় ৮ জন প্ৰাক্তন নৌসেনা বিষয়াৰ মৃত্যুদণ্ড
সমগ্ৰ বিষয়টো কাটাৰৰ বৈদেশিক পৰিক্ৰমা মন্ত্ৰালয়ে অৱগত কৰিছে। পণবন্দীসকল ইজৰাইল অভিমুখে গৈ আছে। ইজৰাইলৰ প্ৰতিৰক্ষা বাহিনীয়ে কয় যে মুক্ত পণবন্দীসকলক মৌলিক চিকিৎসা সাহায্য প্ৰদান কৰা হৈছে। ইজৰাইলৰ এজন বিষয়াই জনোৱা মতে, ইয়াৰ পৰিৱৰ্তে মুঠ ৩৯ জন পেলেষ্টাইনী কয়দীক মুকলি কৰি দিয়া হ’ব।
চিএনএনৰ প্ৰতিবেদন অনুসৰি চাৰিদিনীয়া যুদ্ধবিৰতি ঘোষণা কৰা হৈছে। মুঠতে ৫০ জন যুদ্ধবন্দীক মুকলি কৰি দিয়া হ’ব। তাৰ পিছত পেলেষ্টাইনী বন্দীসকলকো এজন এজনকৈ মুকলি কৰি দিয়া হ’ব। প্ৰয়োজনীয় সাহায্যও আগবঢ়োৱা হৈছে।
লগতে পঢ়কঃবৰ্বৰ! গুজৰাটত দৰমহা বিচৰাৰ বাবেই দলিত যুৱকৰ মুখত জোতা সুমুৱাই ক্ষমা খুজিবলৈ বাধ্য মহিলাৰ
অৱশ্যে ইজৰাইলৰ প্ৰতিৰক্ষা মন্ত্ৰীয়ে কয় যে এই যুদ্ধ কমেও দুমাহ ধৰি চলিব। ইপিনে, বৃহস্পতিবাৰে গাজাত তীব্ৰ বোমা বিস্ফোৰণৰ খবৰ পোৱা গৈছে যদিও শুকুৰবাৰে যুদ্ধবিৰতিৰ ব্যৱস্থা কৰা হৈছে। সেইদিনাই কিছু লোকক মুকলি কৰি দিয়া হৈছে। পিছত আৰু কেইবাজনো পণবন্দীক মুকলি কৰি দিয়া হ’ব বুলি জানিব পৰা গৈছে।
