আমেৰিকাৰ উত্তৰ-পূবৰ ভাৰম’ণ্ট প্ৰদেশৰ এখন বিশ্ববিদ্যালয়ৰ চৌহদৰ সমীপত তিনিজন পেলেষ্টাইনী শিক্ষাৰ্থীৰ ওপৰত গুলীচালনাৰ ঘটনা সংঘটিত হৈছে। গুলীচালনাত তেওঁলোক আহত হয়। স্থানীয় সময় অনুসৰি শনিবাৰে সংঘটিত হয় এই আক্ৰমণ।
ইপিনে, শিক্ষাৰ্থীকেইজনৰ পৰিয়ালৰ লোকে এই আক্ৰমণক ঘৃণাজনিত অপৰাধ হিচাপে তদন্ত কৰিবলৈ আৰক্ষীক আহ্বান জনাইছে।
লগতে পঢ়কঃ অকাল বৰষুণৰ ফলত গুজৰাটত বিপৰ্যয়; বজ্ৰপাতৰ ফলত এদিনতে কমেও ২০ জন লোকৰ মৃত্যু
বাৰ্লিংটন আৰক্ষীয়ে এক বিবৃতিত জনোৱা মতে, ইউনিভাৰ্চিটি অৱ ভাৰম’ণ্ট কেম্পাছৰ সমীপত এজন লোকে হিছাম আৱাৰ্তনী, তাহচিন আহমেদ আৰু কীনান আব্দাল হামিদক গুলীয়াই আহত কৰে। কিহৰ বাবে এই আক্ৰমণ সংঘটিত হ’ল সেয়া এতিয়াও স্পষ্ট হোৱা নাই।
ঘটনা সন্দৰ্ভত আৰক্ষীয়ে তদন্ত আৰম্ভ কৰিছে। আৰক্ষীয়ে এক বিবৃতিত জনোৱা মতে, এই আক্ৰমণৰ সময়ত শিক্ষাৰ্থীকেইজনে পৰম্পৰাগত কেফীহ স্কাৰ্ফ পিন্ধি আছিল আৰু আৰবী ভাষাত কথা কৈছিল। আৰক্ষীয়ে সন্দেহজনক লোকজনৰ সন্ধানত তালাচী অভিযান আৰম্ভ কৰিছে।
লগতে পঢ়কঃ IPL-2024: বিৰাট নাটক! শেষ মহূৰ্তত মুম্বাইয়ে কাঢ়ি লৈ গ’ল হাৰ্দিকক; গুজৰাটৰ নতুন অধিনায়ক গীল?
বাতৰি অনুসৰি, আক্ৰমণৰ পিছতে দুৰ্বৃত্তই খোজকাঢ়ি পলায়ন কৰা বুলি সন্দেহ কৰা হৈছে। বাৰ্লিংটন আৰক্ষী অধীক্ষক জন মুৰাই কয় যে এই আক্ৰমণত আহত ছাত্ৰ দুজনৰ অৱস্থা সুস্থিৰ। অৱশ্যে আন এজন ছাত্ৰ গুৰুতৰভাৱে আহত হয়।
