১০০ কোটি টকাৰ পঞ্জী স্কিম কেলেংকাৰিৰ গোচৰত অভিনেতা প্ৰকাশ ৰাজক ক্লিন চিট দিছে ইডিয়ে। প্ৰৱৰ্তনকাৰী সঞ্চালকালয়ৰ মতে, তিৰুচিৰাপল্লীৰ অলংকাৰ নিৰ্মাণ কোম্পানীটোৰ বিত্তীয় লেনদেনত দক্ষিণৰ অভিনেতাজন কোনো কাৰণতে জড়িত নহয়।
২০ নৱেম্বৰত প্ৰৱৰ্তনসঞ্চালকালয়ে তিৰুচিৰাপল্লীস্থিত অলংকাৰ নিৰ্মাণ প্ৰতিষ্ঠানৰ সৈতে সম্পৰ্ক থকাৰ অভিযোগত ধন সৰবৰাহ প্ৰতিৰোধ আইনৰ অধীনত প্ৰকাশ ৰাজক চমন কৰিছিল। ১০০ কোটি টকাৰ পঞ্জী আঁচনিৰ তদন্তত তেওঁক জেৰাৰ বাবে মতা হৈছিল। সেই নিৰ্দেশ অনুসৰি ৫ ডিচেম্বৰত চেন্নাইৰ ইডি কাৰ্যালয়ত হাজিৰ হৈছিল প্ৰকাশ ৰাজ। ইডিয়ে সোধা-পোছাৰ অন্তত দক্ষিণৰ অভিনেতাগৰাকীক ক্লিন চিট দিছে।
লগতে পঢ়কঃ ইংলেণ্ডৰ বিৰুদ্ধে ছিৰিজৰ সময়তে ফিট হৈ উঠিব ঋষভ পন্ত! তেওঁ এতিয়া কিমান সুস্থ?
উল্লেখ্য যে ১০০ কোটি টকাৰ আৰ্থিক প্ৰৱঞ্চনাৰ অভিযোগ উত্থাপন হোৱা অলংকাৰ নিৰ্মাতা কোম্পানীটোৱে সাধাৰণ মানুহক সোণ কিনি বজাৰত বিনিয়োগ কৰাৰ বিনিময়ত বিপুল ধন ঘূৰাই দিয়াৰ প্ৰলোভন দেখুৱাই প্ৰায় ১০০ কোটি টকা সংগ্ৰহ কৰিছিল।
এই জালিয়াতিৰ তদন্তৰ বাবে প্ৰকাশ ৰাজক ইডিয়ে মাতিছিল। কাৰণ কোম্পানীটোৰ ব্ৰেণ্ড এম্বেছাদৰ হিচাপে প্ৰকাশক কেইবাবাৰো দেখা গৈছিল। অভিনেতা প্ৰকাশ ৰাজক কোম্পানীটোৰ সৈতে হোৱা সকলো বিত্তীয় লেনদেনৰ নথি-পত্ৰ চেন্নাইৰ ফেডাৰেল এজেন্সীত জমা দিবলৈ নিৰ্দেশ দিয়া হয়। অভিনেতাগৰাকীয়ে ডিচেম্বৰৰ প্ৰথম সপ্তাহত উপস্থিত হৈছিল। এইবাৰ সেই ক্ষেত্ৰত প্ৰকাশক ক্লীন চিট দিলে ইডিয়ে।
লগতে পঢ়কঃপুনৰ ক’ভিড! কেৰালাত ধৰা পৰিছে ক’ভিডৰ নতুন ভেৰিয়েণ্ট JN.1
অভিনেতা প্ৰকাশ ৰাজ সদায় মুখৰ ব্যক্তি। ৰাজনৈতিক বিষয় হওক বা সামাজিক পৰিস্থিতি হওক বা চলচ্চিত্ৰ জগতৰ যিকোনো পৰিস্থিতিয়েই হওক, অভিনেতাৰ প্ৰতিবাদী কণ্ঠ শুনা যায়। বিশেষকৈ ‘পঞ্জি আঁচনি’ কেলেংকাৰীত ইডিয়ে মাতি অনা দক্ষিণৰ তাৰকাগৰাকীয়ে গেৰুৱা শিৱিৰক সমালোচনা কৰাৰ সুযোগ কেতিয়াও নেহেৰুৱায়।
