চুৰুনী সাংসদ! দোকানৰ সামগ্ৰী চোৰ কৰাৰ অভিযোগৰ পিছত পদত্যাগ নিউজিলেণ্ডৰ সাংসদৰ

দোকান চুৰিৰ অভিযোগত পদত্যাগ কৰিলে নিউজিলেণ্ডৰ এগৰাকী মহিলা সংসদ সদস্যই। তেওঁৰ নাম গোলৰিজ ঘাহৰামান (৪২)। তেওঁ গ্ৰীণ পাৰ্টিৰ সদস্য। আৰক্ষীয়ে এই অভিযোগৰ তদন্ত অব্যাহত ৰাখিছে।

বাতৰি অনুসৰি, দুখন কাপোৰৰ দোকানৰ পৰা তিনিবাৰকৈ চুৰি কৰাৰ অভিযোগ উঠিছে গোলৰিজ ঘাহৰামানৰ বিৰুদ্ধে। এই দোকান দুখনৰ এখন অকলেণ্ডত আৰু আনখন ৱেলিংটনত।

চিচিটিভি ফুটেজত দেখা গৈছে যে অকলেণ্ডৰ এখন বুটিক দোকানৰ পৰা এটা হেণ্ডবেগ লৈ গৈছে গোলৰিজে। মঙলবাৰে এনে এক ভিডিঅ’ প্ৰকাশ পোৱাৰ পিছতে তেওঁ সাংসদ পদৰ পৰা পদত্যাগ কৰে।

লগতে পঢ়কঃ বৃহৎ ক্ষতিৰ সন্মুখীন আম্বানী! মাত্ৰ ২৪ ঘণ্টাৰ ভিতৰতে দুই কোম্পানীৰ পৰা হেৰুৱালে ৩৮,৩৩৪ কোটি টকা

গোলৰিজে কয় যে মই বহুত মানুহক নিৰাশ কৰিলোঁ। মোৰ বৰ দুখ লাগিছে। এক বিবৃতিত তেওঁ কয় যে নিৰ্বাচিত প্ৰতিনিধিৰ পৰা মানুহে আশা কৰা উচ্চ মানদণ্ডৰ আচৰণ দেখুৱাবলৈ তেওঁ ব্যৰ্থ হৈছে।

رسانه های نیوزیلندی فیلم لحظات سرقت لباس توسط گلریز قهرمان از فروشگاه لباس را منتشر کردند. هم اکنون برای او پرونده ای قضائی در نیوزیلند تحت عنوان shoplifting گشوده شده است.@golrizghahraman pic.twitter.com/wm79AK3VFb

— Ehsan AriaN (@E_Aria_N) January 16, 2024

গোলৰিজে ৰাষ্ট্ৰসংঘৰ মানৱ অধিকাৰ অধিবক্তা হিচাপে কাম কৰি আহিছে। ২০১৭ চনত তেওঁ শৰণাৰ্থী হিচাপে নিউজিলেণ্ডত প্ৰথমবাৰৰ বাবে সংসদৰ সদস্য হিচাপে নিৰ্বাচিত হৈ ইতিহাস ৰচনা কৰিছিল।