নগাঁও আৰু মৰিগাঁও পাৰ হৈ সোমবাৰে কংগ্ৰেছ নেতা ৰাহুল গান্ধীৰ ভাৰত জোড়ো ন্যায় যাত্ৰা মেঘালয়ৰ যোৰাবাটত উপস্থিত হয়, য’ত তেওঁ মেঘালয় প্ৰদেশ কংগ্ৰেছ কমিটীক যাত্ৰা পতাকা অৰ্পণ কৰে। আগবাঢ়ি যোৱা এই যাত্ৰা এতিয়া গুৱাহাটীৰ মাজেৰে আগবাঢ়িব।
বশিষ্ঠ-জালুকবাৰী পথৰ মাজেৰে হাজোৰ সমীপৰ চেচালৈ গৈ কলিতাকুছিৰ মাজেৰে পাৰ হৈ বৰপেটাৰ চেঙা পাব। গুৱাহাটীৰ মাজেৰে যাত্ৰা’ পাৰ হোৱাৰ অনুমতি নাকচ কৰা হৈছে যদিও আৰক্ষীয়ে এই অনুৰোধ ‘বিবেচনাধীন’ বুলি কৈছে।
‘আমি গুৱাহাটীৰ এটা নিৰ্দিষ্ট পথেৰে ৰোডশ্ব’ আৰু পদযাত্ৰাৰ অনুমতি বিচাৰি আবেদন কৰিছিলোঁ। কিন্তু ইয়াক নাকচ কৰা হৈছে।’- এই মন্তব্য অসম কংগ্ৰেছৰ জ্যেষ্ঠ মুখপাত্ৰ মেহদী আলম বৰাৰ।
লগতে পঢ়কঃ ৰাজীৱ ভৱনত প্ৰদেশ কংগ্ৰেছৰ ধৰ্ণা : মুখ্যমন্ত্ৰী হিমন্ত বিশ্ব শৰ্মাৰ পদত্যাগৰ দাবী
“পদযাত্ৰাৰ অনুমতি বিচাৰি ১২ জানুৱাৰীত এখন আৰু পুনৰ ১৯ জানুৱাৰীত আবেদনখন আৰক্ষীৰ ওচৰত দাখিল কৰা হৈছিল, ২০ জানুৱাৰীত ফ’ল’-আপ ইমেইল কৰা হৈছিল,” বৰাই কয়।
তেওঁ লগতে কয়, ‘অনুমতি প্ৰদানৰ দায়িত্বত থকা গুৱাহাটী আৰক্ষীৰ উপ আয়ুক্তই আমাৰ অনুৰোধ নাকচ হোৱা বুলি আমাক জনাইছিল।’
মঙলবাৰে চেঙাৰ বিষ্ণুপুৰত নিশা ৰ’ব এই যাত্ৰা।
এক সমাৱেশত ভাষণ দি ৰাহুল গান্ধীয়ে কয় যে কেন্দ্ৰীয় গৃহমন্ত্ৰী অমিত শ্বাহে তেওঁলোকৰ সৈতে মিত্ৰতা কৰাৰ পূৰ্বে মেঘালয়ৰ চৰকাৰক দেশৰ ভিতৰতে ‘সৰ্বাধিক দুৰ্নীতিগ্ৰস্ত’ বুলি অভিহিত কৰিছিল।
ৰাহুলে কয়, ‘অবৈধ কয়লা পৰিবহণ কেলেংকাৰিৰ লগতে বিধানসভা গম্বুজ ভাঙি পৰা কেলেংকাৰীও আছে।’
ৰাজ্যখনৰ ভাষাসমূহ ৮ম সূচীত নাছিল বুলি উল্লেখ কৰি ৰাহুলে লগতে কয়, ‘আপোনালোকৰ ভূমি, আদিবাসী, স্থানীয় লোক আৰু বনাঞ্চল সুৰক্ষিত কৰিবলৈ থকা গাঁঠনিসমূহ উভালি পেলোৱা হৈছে।’
লগতে পঢ়কঃ চীনত ভয়াৱহ ভূমিস্খলনঃ ৭ জন লোকৰ মৃত্যু, ৪০ জন নিৰুদ্দেশ
‘ক্ষমতাৰ বিকেন্দ্ৰীকৰণ আৰু মেঘালয়ৰ জনসাধাৰণক ক্ষমতা প্ৰদানৰ ক্ষেত্ৰত আমি যিখিনি কাম কৰিছিলো, সেই সকলো কাম লাহে লাহে ওলোটা হৈ আছে।’
মণিপুৰত যাত্ৰা আৰম্ভ হোৱাৰ কাৰণ বুজাই দি গান্ধীয়ে কয় যে “আৰ এছ এছ আৰু বিজেপিৰ মতাদৰ্শই মণিপুৰৰ ধাৰণাক ধ্বংস কৰি পেলাইছে! সেইবাবেই আমি মণিপুৰৰ জনসাধাৰণে যি বেদনা অনুভৱ কৰিছে সেয়া ভাৰতৰ বাকী দেশলৈ এটা বাৰ্তা প্ৰেৰণ কৰিব বিচাৰিছিলো।”
‘ভাৰতৰ প্ৰধানমন্ত্ৰীগৰাকীয়ে এতিয়াও মণিপুৰ ভ্ৰমণ কৰা নাই, সেয়া মোৰ বাবে আচৰিত। মণিপুৰ, ভাৰতীয় ৰাজ্য নহয় নেকি? মণিপুৰৰ জনসাধাৰণ ভাৰতৰ অংগ নহয় নেকি? যদি প্ৰধানমন্ত্ৰীয়ে মণিপুৰৰ হিংসা বন্ধ কৰিব বিচাৰে তেন্তে তিনিদিনত কৰিব পাৰে। সত্যটো হ’ল, মণিপুৰৰ হিংসাৰ অন্ত পেলাবলৈ তেওঁ আগ্ৰহী নহয়।’-গান্ধীয়ে লগতে কয়।
লগতে পঢ়কঃ প্ৰবল প্ৰতিবাদৰ মাজতে ইজৰাইলৰ সংসদত ধুমুহাৰ সৃষ্টি কৰিলে পণবন্দীসকলৰ আত্মীয়ই
ৰাজহুৱা সভাৰ অন্তত ৰাহুল গান্ধীয়ে বৰ্নিহাটৰ ফালে আগবাঢ়ে য’ত তেওঁ নিশাটো কটায়।
গুৱাহাটীলৈ যাত্ৰা পুনৰ আৰম্ভ কৰাৰ পূৰ্বে মঙলবাৰে USTM ত এখন বৈঠকত ভাষণ দিয়াৰ কথাও আছিল গান্ধীয়ে। কিন্তু ইয়াৰ অনুমতি নাকচ কৰে ৰি ভইৰ উপায়ুক্তই।
