বসন্ত কালত নিয়মিতভাৱে নিম পাত খাব লাগে। নিমৰ পাত বহু ধৰণে খাব পাৰি। নিম বেঙেনাৰ লগত ভাজি বা ইচ্ছা কৰিলে সিজোৱা আলুৰ লগত নিম পাত ভাজি খাব পাৰে। বসন্ত কালত ইয়াক খোৱাটো স্বাস্থ্যৰ বাবে অতি উপকাৰী। নিম পাতৰ ৰসো খাব পাৰে।
নিম পাতৰ উপকাৰিতা:
ক) নিম পাত পুষ্টিকৰ উপাদানেৰে ভৰপূৰ। নিমৰ পাত একাপত প্ৰচুৰ পৰিমাণে প্ৰটিন, কাৰ্বহাইড্ৰেট, চৰ্বি আৰু কেলচিয়াম থাকে। ইয়াত ৪৫ গ্ৰাম কেলৰি থাকে।
খ) নিম পাত শক্তিশালী বীজাণুনাশক। দৈনিক ৪-৫ টা নিম পাত খাব পাৰে। ই ৰোগ প্ৰতিৰোধ ক্ষমতা বৃদ্ধি কৰে। প্ৰতিষেধক হিচাপে কাম কৰে।
গ) নিম পাতে ডায়েবেটিছ নিয়ন্ত্ৰণ কৰে। নিম পাতত থকা ৰাসায়নিক পদাৰ্থই ইনচুলিন বৃদ্ধি কৰাত সহায় কৰে।
ঘ) নিম পাতে মুখ সতেজকাৰী হিচাপে কাম কৰে। নিম পাতৰ পানী তিয়াই গাৰ্গল কৰাৰ পিছত মুখৰ দুৰ্গন্ধ আঁতৰি যায়। মুখখন সুস্থ কৰি ৰাখে।
ঙ) বসন্ত কালত নিমৰ পাত খোৱাটো জৰুৰী। ই চিকেনপক্স বা পক্সৰ বিৰুদ্ধে যুঁজ দিয়াত সহায় কৰে।
চ) নিয়মিতভাৱে নিমৰ পাত খালে ছালখন সুস্থ হৈ থাকে। ই একজিমা, ফোঁহা, ব্ৰণ আদি ৰোগৰ বিৰুদ্ধে যুঁজ দিয়াত সহায় কৰে। ভেঁকুৰৰ সংক্ৰমণৰ বিৰুদ্ধে যুঁজ দিয়ে।
ছ) বসন্ত জ্বৰত আক্ৰান্ত লোকে হাত-ভৰি খজুৱালে নখেৰে নিম পাতেৰে খজুৱাব পাৰে।
জ) নিম তেল অতি উপকাৰী। ইয়াত প্ৰচুৰ পৰিমাণে ভিটামিন ই আৰু ফেটি এচিড থাকে। যিটো ছাল আৰু চুলিৰ বাবে উপকাৰী।
ঝ) কটা-ছিঙা বা পুৰিলে নিম পাতৰ ৰস বনৌষধিৰ কাম কৰে। নিম পাত বটি ঘাঁত লগাব পাৰি।
ঞ) নিয়মিতভাৱে নিমপাত খালে কোষ্ঠকাঠিন্যৰ সমস্যা সমাধান হয়। লগতে যকৃতৰ সমস্যা দূৰ কৰে।
