কৰ্ণাটকত লোকসভা নিৰ্বাচনৰ পূৰ্বে বিজেপি এক বৃহৎ আঘাতৰ সন্মুখীন হয়। শুকুৰবাৰে কমলৰ শিবিৰৰ পৰা ওলাই আহি কংগ্ৰেছত যোগদান কৰে প্ৰাক্তন মন্ত্ৰী মালিকায়া গুটেদাৰে। কৰ্ণাটকৰ মুখ্যমন্ত্ৰী সিদ্ধাৰমাইয়া আৰু উপ-মুখ্যমন্ত্ৰী তথা ৰাজ্যিক কংগ্ৰেছৰ সভাপতি ডি কে শিৱকুমাৰৰ উপস্থিতিত তেওঁ আনুষ্ঠানিকভাৱে কংগ্ৰেছত যোগদান কৰে।
কৰ্ণাটকত লোকসভাৰ আসনৰ সংখ্যা ২৮খন। কৰ্ণাটকৰ ১৪টা লোকসভা সমষ্টিত দ্বিতীয় পৰ্যায়ত ২৬ এপ্ৰিলত ভোটগ্ৰহণ অনুষ্ঠিত হ’ব। বাকী ১৪টাত তৃতীয় পৰ্যায়ত ৭ মে’। নির্বাচন আৰম্ভ হোৱাৰ পূর্বে এই প্রভাৱশালী নেতাগৰাকীৰ পক্ষপাতিত্বৰ বাবেই হায়দৰাবাদ-কর্ণাটক অঞ্চলত বিজেপিয়ে বিপৰ্যয়ৰ সন্মুখীন হ’বলগীয়া হোৱা বুলি এটা অংশই বিশ্বাস কৰে৷
কালবুৰ্গীৰ ছবাৰৰ বিধায়ক গুটেদাৰ কিন্তু ২০২৩ চনৰ বিধানসভা নিৰ্বাচনত পৰাস্ত হয়। কালবুৰ্গীৰ ৰাজনীতিত গুটেদাৰৰ ‘কঠোৰ বিৰোধী’ হিচাপে পৰিচিত গুটেদাৰৰ ভাতৃ নীতিনে নিৰ্দলীয় প্ৰাৰ্থী হিচাপে প্ৰতিদ্বন্দ্বিতা কৰিছিল আৰু কংগ্ৰেছে এই আসনখন লাভ কৰে। শেহতীয়াকৈ নীতিনে বিজেপিত যোগদান কৰে। ইয়াৰ বাবেই বিজেপি নেতা য়েডিউৰাপ্পাৰ এসময়ত তেওঁৰ ঘনিষ্ঠ মন্ত্ৰীগৰাকীয়ে ‘কমল’ এৰি কংগ্ৰেছত যোগদান কৰে বুলি তেওঁৰ ঘনিষ্ঠ সূত্ৰই প্ৰকাশ কৰে। খৰ্গে নিজেই ২০০৯ আৰু ২০১৪ চনত কালবুৰ্গী লোকসভা সমষ্টিৰ সাংসদ হৈছিল। তেওঁৰ পুত্ৰ প্ৰিয়ংক খৰ্গে কালবুৰ্গী লোকসভাত চিত্তপুৰৰ বিধায়ক। এইবাৰ সেই লোকসভা সমষ্টিৰ প্ৰাৰ্থী হৈছে কংগ্ৰেছ সভাপতিৰ জোঁৱাই ৰাধাকৃষ্ণ দোদ্দামণি।
