অহা ৭ মে’ত অসমৰ ৪ টা সমষ্টি অনুষ্ঠিত হ’ব লোকসভাৰ তৃতীয় পৰ্যায়ৰ নিৰ্বাচন। এই ৪ টা সমষ্টিত প্ৰতিদ্বন্দ্বিতা কৰিছে মুঠ ৪৯গৰাকী প্ৰাৰ্থীয়ে।
এই নিৰ্বাচনত প্ৰতিদ্বন্দ্বিতা কৰা ৪৭ গৰাকী প্ৰাৰ্থীৰ ভিতৰত ধুবুৰীৰ পৰা প্ৰতিদ্বন্দ্বিতা কৰা অল ইণ্ডিয়া ইউনাইটেড ডেম’ক্ৰেটিক ফ্ৰণ্টকৰ মূৰব্বী বদৰুদ্দিন আজমলকে ধৰি মুঠ ১৫জন প্ৰাৰ্থী ‘কোটিপতি’।
‘কোটিপতি’ প্ৰাৰ্থীৰ ভিতৰত আছে কংগ্ৰেছ আৰু অসম গণ পৰিষদ, বিজেপি, এআইইউডিএফ, বডো পিপলছ ফ্ৰণ্ট, ইউনাইটেড পিপলছ পাৰ্টি, ইউনাইটেড পিপলছ পাৰ্টি লিবাৰেল, তৃণমূল কংগ্ৰেছ, ভাৰতীয় কমিউনিষ্ট পাৰ্টি (মাৰ্ক্সবাদী)। ) প্ৰতিযোগীসকলে দাখিল কৰা শপতনামা অনুসৰি এই তথ্য পোহৰলৈ আহিছে।
কোকৰাঝাৰ সমষ্টিৰ পৰা প্ৰতিদ্বন্দ্বিতা কৰা নিৰ্দলীয় প্ৰাৰ্থী তৃপ্তিনা ৰাভাৰ স্থাৱৰ সম্পত্তিৰ পৰিমাণ প্ৰায় ২৫ হাজাৰ টকাৰ। এইবাৰ প্ৰতিদ্বন্দ্বিতা কৰা প্ৰাৰ্থীসকলৰ ভিতৰত তৃপ্তিনা ৰাভাৰেই সম্পত্তিৰ পৰিমাণ আটাইতকৈ কম।
কোটিপতিৰ তালিকাত আছে দুগৰাকী মহিলা। বিজেপিৰ বিজুলী কলিতা মেধি আৰু কংগ্ৰেছৰ মীৰা বৰঠাকুৰ গোস্বামী। দুয়োগৰাকীয়ে গুৱাহাটী সমষ্টিৰ পৰা প্ৰতিদ্বন্দ্বিতা আগবঢ়াইছে।
আনহাতে শাসকীয় বিজেপি মিত্ৰজোঁটৰ চাৰিওজন প্ৰাৰ্থীয়েই কোটিপতি। বৰপেটা আৰু গুৱাহাটী লোকসভা সমষ্টিত আছে পাঁচজনকৈ কোটিপতি প্ৰাৰ্থী। ধুবুৰীত তিনিজন আৰু কোকৰাঝাৰত দুজনকৈ কোটিপতি প্ৰাৰ্থী আছে। নিৰ্বাচনত প্ৰতিদ্বন্দ্বিতা কৰা মুঠ প্ৰাৰ্থীৰ ভিতৰত কোটিপতিৰ প্ৰাৰ্থীৰ সংখ্যা ৩২ শতাংশ।
চতুৰ্থবাৰৰ বাবে ধুবুৰীৰ পৰা প্ৰতিদ্বন্দ্বিতা কৰা আজমল সকলো প্ৰাৰ্থীৰ ভিতৰত ১৫৫ কোটি টকাৰ সম্পত্তিৰে আটাইতকৈ ধনী প্ৰাৰ্থী। আজমলৰ আছে ২৮.৮৯ কোটি টকাৰ স্থাৱৰ সম্পত্তি আৰু ১২৬.১৭ কোটি টকাৰ অস্থাৱৰ সম্পত্তি আছে। তেওঁৰ পিছতে বৰপেটা সমষ্টিৰ নিৰ্দলীয় প্ৰাৰ্থী দুলু আহমেদৰ ৬৩ কোটি টকাৰ সম্পত্তি আছে। আহমেদৰ ৬.১৬ কোটি টকাৰ স্থাৱৰ সম্পত্তি আৰু ৫৭.৪১ কোটি টকাৰ অস্থাৱৰ সম্পত্তি আছে। ২.৪৯ কোটি টকাৰ স্থাৱৰ সম্পত্তি আৰু ২২.৮০ কোটি টকাৰ অস্থাৱৰ সম্পত্তিৰে ২৫ কোটি টকাৰ সম্পত্তিৰে তালিকাত তৃতীয় স্থানত আছে কংগ্ৰেছৰ বিধায়ক তথা প্ৰাক্তন মন্ত্ৰী ৰকিবুল হুছেইন।
আনহাতে গুৱাহাটীৰ কংগ্ৰেছ প্ৰাৰ্থী মীৰা বৰঠাকুৰ গোস্বামীৰ আছে স্থাৱৰ-অস্থাৱৰ ২.৩৭ কোটি টকাৰ সম্পত্তি। বিজেপিৰ বিজুলী কলিতা মেধিৰ আছে ১.৬১ কোটি টকাৰ সম্পত্তি আছে।
ইফালে বৰপেটাৰ পৰা প্ৰতিদ্বন্দ্বিতা কৰা বিজেপিৰ মিত্ৰজোঁটৰ প্ৰাৰ্থী ফণী ভূষণ চৌধুৰীৰ ৩ কোটি টকাৰ সম্পত্তি আছে।
কোকৰাঝাৰ সমষ্টিৰ পৰা প্ৰতিদ্বন্দ্বিতা কৰা বিজেপি মিত্ৰজোঁটৰ ইউ পি পি এলৰ প্ৰাৰ্থী জয়ন্ত বসুমতাৰীৰ ২.২৮ কোটি টকাৰ সম্পত্তি আছে। একেটা প্ৰতিদ্বন্দ্বিতা কৰা বিপিএফৰ কম্পা বৰগঞাৰীৰ ২৪ কোটিতকৈ অধিক সম্পত্তি আছে।
বৰপেটাৰ পৰা প্ৰতিদ্বন্দ্বিতা কৰা চিপিআই(এম)ৰ মনোৰঞ্জন তালুকদাৰৰ ১.৫৬ কোটি টকাৰ সম্পত্তি আছে।
আনহাতে, তৃণমূল কংগ্ৰেছৰ আবুল কালাম আজাদৰ মুঠ সম্পত্তিৰ মূল্য ১.৩১ কোটি টকা। গুৱাহাটীৰ পৰা প্ৰতিদ্বন্দ্বিতা কৰা একম সনাতন ভাৰতৰ অমিতাভ শৰ্মাৰ মুঠ ১.৩১ কোটি টকাৰ স্থাৱৰ আৰু ১৩.৮৮ কোটি টকাৰ অস্থাৱৰ সম্পত্তি আছে।
নিৰ্দলীয় প্ৰাৰ্থীৰ ভিতৰত বৰপেটাৰ জগন্নাথ ৰায়ৰ সম্পত্তিৰ পৰিমাণ ২.৫৩ কোটি, গুৱাহাটীৰ কৰ্ণেল গকুল চন্দ্ৰ সিংহা আৰু কাজী নেকিব আহমেদৰ সম্পত্তি ক্ৰমে ১.৭৯ কোটি আৰু ১.৫০ কোটি টকা।
