টিউচন শিক্ষকে ছাত্ৰীৰ সৈতে আপত্তিজনক আচৰণ কৰিছিল। এনে অভিযোগত স্থানীয় লোক আৰু ছাত্ৰ-ছাত্ৰীৰ অভিভাৱকসকলে তেওঁক বিৱস্ত্ৰ কৰি খোজ কঢ়ালে। আৰক্ষীয়ে জনোৱা মতে, মহাৰাষ্ট্ৰৰ পালঘৰৰ এই ঘটনাত শিক্ষকজনক জিম্মাত লৈ এফআইআৰ ৰুজু কৰিছে গোচৰ।
সূত্ৰ অনুসৰি, পালঘৰৰ ভিৰাৰ অঞ্চলত হঠাতে ১৩ বছৰীয়া এগৰাকী কিশোৰীয়ে হঠাতে টিউচন ক্লাছত যোৱা বন্ধ কৰি দিয়াত পিতৃ-মাতৃয়ে সোধপোছ কৰে। প্ৰথমতে তাই একো ক’ব বিচৰা নাছিল যদিও পিছত সেই টিউচন শিক্ষকে তাইক যৌন নিৰ্যাতন চলাইছিল বুলি জনায়।
ইয়াৰ পিছতে কিশোৰীগৰাকীৰ পিতৃ-মাতৃয়ে একাংশ লোকক লৈ অভিযুক্ত শিক্ষকজনক আক্ৰমণ কৰে। প্ৰথমতে বাক্-বিতণ্ডা আৰম্ভ হৈ পিছত হতাহতিত পৰিণত হয়। শেষত সকলোৱে শিক্ষকজনক ক্লাছৰ পৰা উলিয়াই আনিলে। কাপোৰকানি খুলি ৰাস্তাত খোজ কঢ়োৱা হয়।
লগতে পঢ়কঃ ভ্ৰাম্যমাণৰ মঞ্চত বাইকসহ বাগৰি পৰি আঘাতপ্ৰাপ্ত অভিনেতা যতীন বৰা, আহত আন ৭জন
আৰক্ষীয়ে জনোৱা মতে, সেই ছোৱালীজনীৰ বাহিৰেও শিক্ষকগৰাকীয়ে টিউচনত আন ছোৱালীৰ লগতো অসৎ আচৰণ কৰিছিল। অভিযোগ লাভ কৰাৰ পিছতে তদন্ত আৰম্ভ কৰা হৈছে। আৰক্ষীয়ে জিম্মাত থকা অভিযুক্তক জেৰা কৰি আছে। জবানবন্দীও লোৱা হয়। POCSOৰ অধীনত গোচৰ ৰুজু কৰা হ’ব।
উল্লেখ্য যে শেহতীয়াকৈ মহাৰাষ্ট্ৰৰ বদলাপুৰত দুগৰাকী চাৰি বছৰীয়া স্কুলীয়া ছাত্ৰীক যৌন নিৰ্যাতনৰ অভিযোগ উত্থাপন হৈছে। যাৰ বাবে মহাৰাষ্ট্ৰৰ বিভিন্ন প্ৰান্ত প্ৰতিবাদ-আন্দোলনত উত্তাল হৈ পৰে। অভিযোগ অনুসৰি ইংৰাজী মাধ্যমৰ এখন বিদ্যালয়ৰ শৌচাগাৰৰ ভিতৰত বিদ্যালয়খনৰ চাফাই কৰ্মীয়ে দুগৰাকী নাবালিকাক যৌন নিৰ্যাতন চলাইছিল। ঘটনাটো পোহৰলৈ অহাৰ লগে লগে তোলপাৰ লাগে।
লগতে পঢ়কঃপৃথিৱীৰ পৰা নোহোৱা হৈ যাব পুৰুষ প্ৰজাতি! ভয়ংকৰভাৱে হ্ৰাস পাইছে Y ক্ৰম’জম
আৰক্ষীৰ তদন্ত অনুসৰি ঘটনাৰ সময়ত শৌচাগাৰটোত কোনো মহিলা কৰ্মচাৰী নাছিল। লগতে বিদ্যালয়খনৰ প্ৰায়বোৰ চিচিটিভি কেমেৰা বিকল আছিল। ৰাজ্য চৰকাৰে থানেৰ আৰক্ষী আয়ুক্তকো এই গোচৰটো ফাৰষ্ট ট্ৰেক আদালতত কৰিবলৈ নিৰ্দেশ দিছে। অভিযোগৰ পিছতে বিদ্যালয় কৰ্তৃপক্ষই অধ্যক্ষগৰাকীক নিলম্বন কৰে। ক্লাছ টিচাৰ আৰু আয়াকো চাকৰিৰ পৰা বৰ্খাস্ত কৰা হৈছে।
বদলাপুৰ গোচৰৰ তদন্ত এতিয়াও চলি আছে, প্ৰতিবাদো চলি আছে। ইফালে তাৰমাজতে চৰ্চালৈ আহিল পালঘৰৰ এই ঘটনা।
