অনলাইন ট্ৰেডিং কেলেংকাৰীৰ সৈতে জড়িত থকাৰ অভিযোগত বিচাৰি থকা চুমি বৰা আৰু তেওঁৰ স্বামী তাৰ্কিক বৰাই ডিব্ৰুগড়ত আৰক্ষীৰ সন্মুখত আত্মসমৰ্পণ কৰিছে। আজি পুৱাই তেওঁলোকে আৰক্ষীৰ ওচৰত আত্মসমৰ্পন কৰে। বুধবাৰে চুমি বৰাই এটা ভিডিঅ বাৰ্তা যোগে আত্মসমপৰ্নৰ কৰাৰ বাবে সাজু হোৱাৰ কথা জনাইছিল।
সূত্ৰ অনুসৰি এই যুটিয়ে বিশাল ফুকনৰ সৈতে ছেবিৰ নীতি-নিয়ম উলংঘা কৰি ষ্টক ট্ৰেডিং কেলেংকাৰীত জড়িত হোৱাৰ লগতে বিপুল পৰিমাণৰ অবৈধ ধনৰ লেনদেনৰ অভিযোগ উত্থাপন হৈছিল।
বিগত সপ্তাহত বিশাল ফুকনক গ্ৰেপ্তাৰ হোৱাৰ বিপৰীতে এসপ্তাহৰো অধিক সময় পলাতক অৱস্থাত আছিল চুমি বৰা আৰু তেওঁৰ স্বামী।
লগতে পঢ়কঃআম্বানীৰ ভান্তাৰালৈ বিতৰ্কিত স্থানান্তৰৰ বাবে সাজু আৰু এটা উত্তৰ-পূবৰ হাতী!
আৰক্ষীয়ে মষ্ট ৱাণ্টেড বুলি ঘোষণা কৰিছিল আৰু তেওঁলোকে দেশ এৰি যোৱাৰ পৰিকল্পনা কৰা বুলি সন্দেহ কৰা হৈছিল।
অৱশ্যে বৃহস্পতিবাৰে খবৰৰ বিপৰীতে দেখা গ’ল যে তেওঁলোক অসমৰ বাহিৰত ক’তো নাছিল।
দাবী কৰা হৈছিল যে তেওঁলোক দৰাচলতে যোৰহাটৰ টীয়কত লুকাই আছিল।
অৱশ্যে তেওঁলোকৰ আত্মসমৰ্পণৰ বিষয়ে বিশেষ সবিশেষ প্ৰকাশ কৰা নাই আৰক্ষীয়ে।
The game is up for them. Compliments to the Team STF.
তেওঁলোকৰ বাবে খেল শেষ। অভিনন্দন Team STF.@assampolice @STFAssam @CMOfficeAssam pic.twitter.com/aYdyeIzU1s— GP Singh (@gpsinghips) September 12, 2024
ৰাজ্যৰ ডিজিপি জিপি সিঙে ছ’চিয়েল মিডিয়া পোষ্টত আত্মসমৰ্পণৰ কথা ঘোষণা কৰে।
তেওঁ লিখিছে, “খেল তেওঁলোকৰ বাবে শেষ। টিম এছটিএফলৈ প্ৰশংসা।”
