বৃহস্পতিবাৰে অসম লোকসেৱা আয়োগৰ নগদ ধনৰ বিনিময়ত চাকৰিৰ কেলেংকাৰিৰ চূড়ান্ত অভিযোগনামা (চাৰ্জশ্বীট)দাখিল কৰে বিশেষ তদন্তকাৰী দলে (এছ আই টি)।
তদন্তকাৰী বিষয়া উপেন কলিতাই গুৱাহাটীৰ বিশেষ আদালতত দাখিল কৰা ১৫৬ পৃষ্ঠাৰ নথিত ২৩জন গেজেটেড বিষয়াৰ নাম অভিযুক্ত হিচাপে উল্লেখ কৰে।
অৱশ্যে এই কেলেংকাৰিত পূৰ্বে জড়িত ৯জন বিষয়াক বাদ দিয়াৰ বাবে অভিযোগনামাখনে সমালোচনাৰ সন্মুখীন হ’বলগীয়া হৈছে। আই পি এছৰ বিষয়া প্ৰতীক থুবেই পূৰ্বে অভিযোগনামা দাখিল কৰাৰ চেষ্টা চলাইছিল, যিটো উল্লেখযোগ্য ত্ৰুটিৰ বাবে আদালতে নাকচ কৰিছিল।
২০২৪ চনৰ জুন মাহত বিশেষ ন্যায়াধীশৰ আদালতে এছ আই টিৰ প্ৰতিবেদন নাকচ কৰি পুনৰ তদন্তৰ নিৰ্দেশ দিয়ে।
আদালতে তদন্তকাৰী বিষয়া প্ৰতীক থুবেকো এছ আই টিৰ পৰা অপসাৰণৰ নিৰ্দেশ দিছিল।
লগতে পঢ়কঃ উচ্ছেদৰ সময়ত সোণাপুৰত উত্তপ্ত পৰিস্থিতি! আৰক্ষীৰ গুলীত নিহত দুজন
এইবাৰ এই ৯ জন ব্যক্তিক বাদ দিয়াৰ এছ আই টিৰ সিদ্ধান্তই তেওঁলোকৰ তদন্তৰ সম্পূৰ্ণতাক লৈ প্ৰশ্ন উত্থাপন কৰিছে।
ন্যায়াধীশ (অৱসৰপ্ৰাপ্ত) বিপ্লৱ কুমাৰ শৰ্মাৰ নেতৃত্বত গঠিত এজনীয়া আয়োগে ২০১৩ আৰু ২০১৪ চনৰ এ পি এছ চিৰ সংযুক্ত প্ৰতিযোগিতামূলক পৰীক্ষাত প্ৰায় ৫০জন বিষয়াক অন্যায় উপায়েৰে চাকৰি নিশ্চিত কৰাৰ অভিযোগ উত্থাপন কৰে।
উল্লেখ্য যে অসম চৰকাৰে লক্ষণীয় সময়ৰ বাবে বিচাৰাধীন হৈ থকা শৰ্মা আয়োগৰ প্ৰতিবেদন পেলাই ৰখাৰ ফলত অৱশেষত এছ আই টি গঠন হ’ল।
চিআইডিৰ এডিজিপিৰ দায়িত্বতো থকা আই পি এছ বিষয়া এম.পি. গুপ্তা আৰু প্ৰতীক থুবেৰ নেতৃত্বত এছআইটিয়ে কেইবাজনো অভিযুক্ত বিষয়াক জেৰা কৰা কৰিছিল যদিও মাত্ৰ পাঁচজনকহে গ্ৰেপ্তাৰ কৰা বুলি জানিব পৰা গৈছে।
শৰ্মা আয়োগৰ অভিযোগ সত্ত্বেও আৰু ২১ জন বিষয়াক কেৱল নিলম্বন কৰাৰ বিপৰীতে আন বহুতে কাম কৰি থাকিল।
লগতে পঢ়কঃ চিপিআই(এম)ৰ সাধাৰণ সম্পাদক সীতাৰাম য়েচুৰীৰ দেহাৱসান; হাওঁফাওঁৰ ৰোগত আক্ৰান্ত হৈ চিকিৎসালয়ত মৃত্যু
এছ আই টিয়ে এ পি এছ চিৰ চাকৰি অন্যায়ভাৱে লাভ কৰাৰ সন্দেহ কৰা ২৫জন বিষয়াক জেৰা কৰাৰ বিপৰীতে মাত্ৰ পাঁচজনকহে গ্ৰেপ্তাৰ কৰা হয়।
চূড়ান্ত অভিযোগনামাত ৯ জন বিষয়াক বাদ দিয়াৰ ফলত তদন্তৰ ক্ষেত্ৰত এছ আই টিৰ কাৰ্যপন্থাক লৈ উদ্বেগ প্ৰকাশ পাইছে।
