মহাপ্ৰৱঞ্চক দীপাংকৰ বৰ্মনক গ্ৰেপ্তাৰ কৰিছে অসম আৰক্ষীয়ে। গোৱাৰ পৰা অসম আৰক্ষীয়ে গ্ৰেপ্তাৰ কৰে মহাপ্ৰৱঞ্চক দীপাংকৰ বৰ্মনক। বিগত ৬৬ দিন পাছত পলাতক দীপাংকৰক গ্ৰেপ্তাৰ কৰে আৰক্ষীয়ে। গোৱাৰ পাঞ্জীমত আত্মগোপন কৰি আছিল মহাপ্ৰৱঞ্চক দীপাংকৰ বৰ্মন।বিতৰ্কিত DB ষ্টকৰ স্বত্বাধিকাৰী মহা প্ৰৱঞ্চক দীপাংকৰ বৰ্মন।
তদন্তৰ সময়ত দীপাংকৰৰ ১২টা বেংক একাউণ্ট জব্দ হৈছিল আৰু দীপাংকৰ ৭ হাজাৰ কোটি টকাৰ কেলেংকাৰীৰ অভিযুক্ত। সম্প্ৰতি CBIয়ে তদন্ত কৰি আছে অসম কঁপোৱা ট্রেডিং কেলেংকাৰী। ACP অমিত মাহাতোৰ নেতৃত্বত যোৱা এটি আৰক্ষীৰ দলে গ্ৰেপ্তাৰ কৰে আৰক্ষীয়ে।
ডিবি ষ্টক ব্ৰকিঙৰ নামত প্ৰায় ৭ হাজাৰ কোটি টকা আত্মসাৎ কৰাৰ অভিযুক্ত দীপাংকৰ বৰ্মন। কেইবাখনো ৰাজ্যই দীপাংকৰ বৰ্মনক পলাতক ঘোষণা কৰিছিল। মহাচতুৰ দীপাংকৰ বৰ্মনৰ প্ৰৱঞ্চনাৰ জালত ভৰি দিছিল বহিঃৰাজ্যৰ লোকে। দীপাংকৰৰ পিতৃ-মাতৃকো গ্ৰেপ্তাৰ কৰিছিল আৰক্ষীয়ে।
কিন্তু আৰক্ষীৰ দলে গোৱাত হাস্যবদনে দীপাংকৰ বৰ্মনৰ সৈতে ফটো উঠাক লৈ সৰ্বত্ৰ চৰ্চা চলিছে৷
