দুখন ৰাজ্যত বুধবাৰে সমাপ্ত হৈছে বিধানসভা নিৰ্বাচন। মহাৰাষ্ট্ৰত কোন শাসনলৈ আহিব? ঝাৰখণ্ডত কোনে ক্ষমতা পাব? Zee AI Exit Poll ৰ ফলাফলত পোৱা গ’ল তাৰ ইংগিত! এগজিট পোল সমীক্ষাত কোৱা হৈছে যে মহাৰাষ্ট্ৰত বিজেপি নেতৃত্বাধীন এন ডি এ মিত্ৰজোঁট আগবাঢ়ি আছে। ঝাৰখণ্ডত এইবাৰ হৈছে তীব্ৰ যুঁজ। অৱশ্যে তাত ইণ্ডিয়া মিত্ৰজোঁটৰ চৰকাৰ গঠনৰ সম্ভাৱনাই অধিক।
বিধানসভাত মহাৰাষ্ট্ৰত ২৮৮খন আৰু ঝাৰখণ্ডত ৮১খন আসন আছে। লোকসভা নিৰ্বাচনৰ ৬ মাহৰ পাছত এই দুখন ৰাজ্যত বিধানসভা অনুষ্ঠিত হয়। বুধবাৰে মহাৰাষ্ট্ৰত এটা পৰ্যায়তে ভোটদান সম্পন্ন কৰা হয়। ঝাৰখণ্ডত অৱশ্যে ১৩ নৱেম্বৰত অনুষ্ঠিত হৈছিল প্ৰথম পৰ্যায়ৰ ভোটগ্ৰহণ। বুধবাৰে ৩৮টা বিধানসভা সমষ্টিত দ্বিতীয় পৰ্যায়ৰ ভোটগ্ৰহণ অনুষ্ঠিত হয়। আনবাৰৰ দৰেই এইবাৰো ইয়াৰ ব্যতিক্ৰম নাছিল। ভোটগ্ৰহণ পৰ্ব সমাপ্ত হোৱাৰ অন্তত প্ৰকাশ কৰা হৈছিল নিৰ্বাচনোত্তৰ সমীক্ষা বা এগজিট প’লৰ ফলাফল।
এই এগজিট প’লটো কি? নিৰ্বাচনোত্তৰ জৰীপেই এগজিট প’ল। ভোটদানৰ সময়সীমা শেষ হোৱাৰ পিছত বিভিন্ন সংস্থা, সংবাদ মাধ্যমে এগজিট প’লৰ ফলাফল প্ৰকাশ কৰে। এই এগজিট প’ল আচলতে এক প্ৰকাৰৰ অ’পিনিয়ন প’ল। এগজিট প’লত ভোটাৰসকলক তেওঁলোকৰ পছন্দৰ প্ৰাৰ্থী আৰু দলৰ বিষয়ে সোধা হয়। ভোটগ্ৰহণ কেন্দ্ৰৰ পৰা ওলাই অহাৰ লগে লগে ভোটাৰৰ এই মতামত বিচৰা হয়।সেই মতামতৰ ভিত্তিত এগজিট পল বা নিৰ্বাচনোত্তৰ সমীক্ষাৰ ফলাফল প্ৰস্তুত কৰা হয়।
চাওক Zee AI এগজিট প’ল–
মহাৰাষ্ট্ৰত মুঠ আসন -২৮৮
এন ডি এ- ১২৯-১৫৯
ইণ্ডিয়া- ১২৪-১৫৮
অন্যান্য- ০-১০
ঝাৰখণ্ডত মুঠ আসন-৮১
এন ডি এ-৩৬-৪১
ইণ্ডিয়া-৩৯-৪৪
