অসমৰ সাহিত্য তথা সাংবাদিকতাৰ জগতখনৰ বাবে এক দুঃখবৰ৷জ্যেষ্ঠ সাংবাদিক, নিবন্ধকাৰ, ঔপন্যাসিক বুলন কুমাৰ শইকীয়াৰ আজি দেহাৱসান হয়। আজি পুৱা নাহৰকটীয়াৰ নিজা বাসগৃহত মৃত্যু হয় সাংবাদিক তথা সাহিত্যক বুলন কুমাৰ শইকীয়াৰ।
দীৰ্ঘদিন ধৰি যকৃতৰ ৰোগত আক্ৰান্ত হৈ আছিল বুলন কুমাৰ শইকীয়া। কেইবাখনো জনপ্ৰিয় গ্ৰন্থৰ স্ৰষ্টা আছিল বুলন কুমাৰ শইকীয়া। বুলন কুমাৰ শইকীয়াই সাংবাদিকতাৰ লগতে নিৰৱিচ্ছিন্নভাৱে চলাই গৈছিল সাহিত্যৰো চৰ্চা।
শেহতীয়াকৈ শইকীয়াই ৰচনা কৰা আৰাকান ইণ্টেল গ্ৰন্থখনে পাঠকৰ মাজত যথেষ্ট সমাদৰ লাভ কৰিছিল
শেহতীয়াকৈ চি ইন চি নামৰ এখন গ্ৰন্থৰ কামো কৰি আছিল শইকীয়াই৷ শইকীয়াৰ মৃত্যু সন্দৰ্ভত ৰাজ্যৰ আন এজন জ্যেষ্ঠ সাংবাদিক ললিত গগৈয়ে লিখিছে- “আৰাকান ইণ্টেলৰ দৰে এখন বহুপঠিত উপন্যাসৰ স্ৰষ্টা আৰু চি-ইন-চি নামৰ আন এখন গ্ৰন্থ প্ৰকাশৰ বাবে সাজু কৰা বুলন মানে বুলন কুমাৰ শইকীয়াৰ অকাল মৃত্যুৰ বাতৰি পালো । ফেচবুকত শাসক-বিৰোধী উভয় পক্ষকে শানিত ৰাজনৈতিক টিপ্পনী আৰু ব্যংগ-ভ্ৰুকূটিৰে সদা সক্ৰিয় বুলনক কাহানিও লগ পোৱা নাই যদি তেওঁৰ কলমে সততেই আমাৰ মন-মগজুক আচোঁৰ মাৰি গৈছিল । শেহতীয়াকৈ তেওঁক কিছু স্তিমিত হৈ পৰা দেখিয়েই অনুমান কৰিছিলো যে হয়তো শাৰীৰিক অসুবিধাই কিছু পীড়িত কৰি ৰাখিছে । কাৰন ২০২২ চনত যকৃত ৰোগত আক্ৰান্ত হৈ মৃত্যুপথৰ পৰা উভতি আহিলেও সম্পূৰ্নৰূপে আৰোগ্য হোৱা নাছিল । তাৰ মাজতো কাৰোৰে ওচৰত হাত নপতাকৈ পেটৰ ভাত মোকলাবলৈ নিজে এটা ক্ষুদ্ৰ খাদ্য উদ্যোগ প্ৰতিষ্ঠানো গঢ়ি তুলিছিল । তাৰ আগতে এটা পৰ্টেলো জন্ম দিছিল । মোৰ বিশ্বাস এখন উপযুক্ত মঞ্চ পোৱা হলে বুলনৰ অধিক দুদান্ত সাহসিকতাৰ পৰিচয় হলহেতেঁন । কিন্ত সচাঁ কথা সাহসেৰে কোৱা মানুহবোৰৰ আজিৰ সমাজত স্থান নাই । সুবিধাবাদী ; তোষামোদকাৰী আৰু সোতঁত উটি যোৱা মানুহৰ ভিৰ বাঢ়িছে । সময়ত এইখন সমাজে বুলনহতঁৰ দৰে মানুহৰ অভাৱ আৰু শূন্যতা অনুভৱ কৰিব । সঘনাই চেক আপৰ বাবে হায়দৰাবাদলৈ অহা-যোৱা কৰা বুলনে অক্টোবৰ মাহত ফেচবুকত দিয়া পোষ্টৰ পৰাই জানিছিলো যে ৪৮ মাহৰ ভিতৰত সি বৃক্ক সংৰোপনৰ বাবে ঠিৰাং কৰিছে আৰু ইয়াৰ বাবে প্ৰয়োজন হব ৩৫ লাখৰো অধিক টকা । কিন্ত সেই সপোন ফলৱতী নহল । জুই আৰু মৃত্যুৰ সতে খেলা কৰি ভালপাওঁ আৰু জীয়াই থকাতো মোৰ বাবে এক স্বপ্নবিলাস বুলি ঘোষনা কৰা স্বাভিমানী বুলন আমাৰ মাজৰ পৰা একেবাৰে গুচি গল । অনুভৱ কৰিছো কিবা এক শূন্যতা । বহুতৰ পচন্দ নহলেও দেশ-দহৰ ভালৰ বাবেই আমৃত্যু মাত মতা এজন নিঃস্বাৰ্থ অসমপ্ৰেমী আৰু অন্যায়ৰ বিৰুদ্ধে সৰৱ এটা কণ্ঠ হেৰাই যোৱা মানে আমিবোৰ দুৰ্ভগীয়া৷”
