২৯ আৰু ৩০ নৱেম্বৰ ২০২৪ ত গিৰিজানন্দ চৌধুৰী বিশ্ববিদ্যালয়ত অসমৰ বিদ্যালয়সমূহৰ ভিতৰত উদ্ভাৱন, ডিজাইন আৰু উদ্যোগীকৰণক উদগনি দিয়াৰ লক্ষ্যৰে সৰ্ব ভাৰতীয় কাৰিকৰী শিক্ষা পৰিষদ আৰু শিক্ষা মন্ত্ৰালয়ৰ উদ্ভাৱনকোষ( AICTE- MIE)ৰ পৃষ্ঠপোষকতাত এক বিশেষ বুট কেম্পৰ আয়োজন কৰা হয় l
উচ্চ মাধ্যমিক আৰু উচ্চতৰ মাধ্যমিক বিদ্যালয়ৰ অধ্যক্ষ, শিক্ষকসকলৰ বাবে বিদ্যালয় শিক্ষা আৰু সাক্ষৰতা বিভাগ , সৰ্ব ভাৰতীয় কাৰিকৰী শিক্ষা পৰিষদ (AICTE) আৰু শিক্ষা মন্ত্ৰালয়ৰ উদ্ভাৱন কোষ (MIC), CBSE আৰু NCERT ৰ সহযোগত এই দুদিনীয়া উদ্ভাৱন ডিজাইন আৰু উদ্যোগীকৰণ (আই ডি ই) বুট কেম্পৰ আয়োজন কৰে ।
ভাৰত চৰকাৰৰ এই বৃহৎ পদক্ষেপৰ লক্ষ্য হৈছে সমগ্ৰ ভাৰত তথা অসমৰ বিদ্যালয়সমূহৰ শিক্ষকসকলৰ উদ্ভাৱন, ডিজাইন, আৰু উদ্যোগীকৰণৰ দক্ষতা বৃদ্ধি কৰা। ভাৰত চৰকাৰৰ অধীনত স্কুল ইনোভেচন কাউন্সিলে (SIC) যুৱ উদ্যোগীসকলক তেওঁলোকৰ প্ৰকল্পৰ ইনকিউবেচনৰ বাবে ১.৫ লাখ টকা প্ৰদান কৰাৰ কথা ঘোষনা কৰে । ইয়াৰ উপৰিও এছ আই চিৰ অধীনত যিকোনো বিদ্যালয় শিক্ষকে এম্বেছাদৰ প্ৰশিক্ষণ কাৰ্যসূচীৰ বাবে চাৰ্টিফিকেট পাঠ্যক্ৰম সম্পূৰ্ণ কৰিব পাৰিব, তাৰ পিছত তেওঁলোকক এছ আই চিয়ে স্কুল উদ্ভাৱন এম্বেছাদৰ হিচাপে নিযুক্তি দিব পাৰিব। উল্লেখযোগ্য যে এই বিশেষ অনুষ্ঠানটো আয়োজন কৰিবলৈ সমগ্ৰ উত্তৰ-পূৰ্বাঞ্চলৰ ভিতৰত একমাত্ৰ শিক্ষানুষ্ঠান হিচাপে গিৰিজানন্দ চৌধুৰী বিশ্ববিদ্যালয় নিৰ্বাচিত হয়।
উদ্যোগীকৰণ শিক্ষাৰ গুৰুত্ব প্ৰদান কৰাৰ এই বিশেষ বুট কেম্প বিখ্যাত ৱাধৱনী ফাউণ্ডেশ্যনৰ সহযোগত আয়োজন কৰা হৈছে। ১৭খন ৰাজ্যত চলি থকা এই দেশজোৰা কাৰ্যসূচীত ভাৰতৰ বিভিন্ন বিদ্যালয়ৰ পৰা মুঠ ৩৭০০ৰো অধিক অংশগ্ৰহণকাৰীয়ে পঞ্জীয়ন কৰিছে। গিৰিজানন্দ চৌধুৰী বিশ্ববিদ্যালয়তো উত্তৰ পূৰ্বাঞ্চলৰ বিভিন্ন ৰাজ্যৰ পৰা জনতকৈ অধিক শিক্ষক আৰু অধ্যক্ষই এই বৃহৎ বুট কেম্পত পঞ্জীয়ন কৰিছে।
২২ নৱেম্বৰ ২০২৪ ত এ আই চি টি ইৰ ভাইচ চেয়াৰমেন ড০ অভয় জেৰে দেশজোৰা বুট কেম্পৰ তৃতীয় সংস্কৰণটো উদ্বোধন কৰে l ইয়াত অংশগ্ৰহণ কৰে এন চি ই আৰ টিৰ পৰা অধ্যাপক ইন্দ্ৰাণী ভাদুৰী আৰু চি বি এছ ইৰ ড০ বিশ্বজিৎ সাহাই । ২৯ নৱেম্বৰত গিৰিজানন্দ চৌধুৰী বিশ্ববিদ্যালয়ত ৰাজ্যিক পৰ্যায়ৰ আই ডি ই বুট কেম্প উদ্বোধন কৰে মুখ্য অতিথি ৰাজ্যিক শৈক্ষিক অনুসন্ধান আৰু প্ৰশিক্ষণ পৰিষদ( SCERT) সঞ্চালক সঞ্চালক ড° নীৰদা দেৱী, শিক্ষা মন্ত্ৰালয় উদ্ভাৱন কোষৰ নডেল কেন্দ্ৰৰ মুৰব্বী, ড° হীৰক ৰঞ্জন দাস, ন’ডেল কেন্দ্ৰৰ সমন্বয়ক শ্ৰীযুত বিধিকাৰ বিশাল, ন’ডেল কেন্দ্ৰৰ সমন্বয়কৰ লগতে ৱাধৱানী ফাউণ্ডেশ্যনৰ মুখ্য প্ৰশিক্ষক শ্ৰীযুত শ্ৰীবৎসন, আৰু গিৰিজানন্দ চৌধুৰী বিশ্ববিদ্যালয়ৰ বিভিন্ন বিশিষ্ট ব্যক্তি l
শ্ৰীমন্ত শংকৰ অকাডেমি ছ’চাইটিৰ সভাপতি শ্ৰীযুত যশোদা ৰঞ্জন দাসৰ আদৰণি ভাষণেৰে এই অনুষ্ঠানৰ আৰম্ভণি হয়। গিৰিজানন্দ চৌধুৰী বিশ্ববিদ্যালয়ৰ সন্মানীয় আচাৰ্য্য অধ্যাপক জয়ন্ত ডেকাই বিশ্ববিদ্যালয় খনক বুট কেম্প আৰম্ভ কৰাৰ বাবে নিৰ্বাচিত উত্তৰ-পূৰ্বাঞ্চলৰ একমাত্ৰ প্ৰতিষ্ঠান হোৱাত গৌৰৱ প্ৰকাশ কৰে। এছ চি ই আৰ টি অসমৰ সঞ্চালক ড০ নিৰদা দেৱীয়ে অনাগত বছৰবোৰত ভাৰতৰ ৫ ট্ৰিলিয়ন ডলাৰৰ অৰ্থনীতি হোৱাৰ লক্ষ্যৰ বিষয়ে ভাষণত উল্লেখ কৰে। শিক্ষক আৰু ছাত্ৰ-ছাত্ৰীক সমাজৰ সবলীকৰণৰ বাবে উদ্ভাৱনী চিন্তাধাৰাৰ অনুশীলন কৰিবলৈ প্ৰেৰণা যোগোৱাৰ বাবে ড০ দেৱীয়ে এই বুট কেম্পৰ শলাগ লয়। ড০ হীৰক ৰঞ্জন দাসে, (এ আই চি টিই-এম আই চি) ন’ডেল চেণ্টাৰ সন্দৰ্ভত কয় যে কেন্দ্ৰীয় চৰকাৰৰ এই বুট কেম্পে আই পি আৰৰ সুবিধা আৰু প্ৰযুক্তি হস্তান্তৰৰ জৰিয়তে বজাৰযোগ্য উদ্ভাৱনক যথেষ্ট সহায় কৰিব। ন’ডেল চেণ্টাৰৰ সমন্বয়ক শ্ৰী বিদিকাৰ বিশালে অংশগ্ৰহণকাৰীসকলক নৱগঠিত বিদ্যালয় উদ্ভাৱন পৰিষদৰ সৈতে পৰিচয় কৰাই দিয়ে। বিদ্যালয় উদ্ভাৱন পৰিষদৰ পদক্ষেপৰ বিষয়ে বিশদভাৱে উল্লেখ কৰি এম আই চিৰ সহকাৰী উদ্ভাৱন সঞ্চালক ড০ এলাংগোভান কৰিয়াপ্পানে উল্লেখ কৰে যে এম আই চিয়ে বৰ্তমান বিদ্যালয় পৰ্যায়ত উদ্ভাৱনপ্ৰকল্পৰ ইনকিউবেচনৰ বাবে ১.৫ লাখ টকা পৰ্যন্ত সেৱা আগবঢ়াই বিশেষ সহায় কৰিব সেয়া এক আশাব্যঞ্জক প্ৰস্তাব l
প্ৰথম দিনাৰ অনুষ্ঠানত ৱাধৱানী ফাউণ্ডেশ্যনৰ শ্ৰী শ্ৰীৱৎসনে মৌলিক ধাৰণা আৰু চিন্তাক প্ৰসাৰৰ বাবে নেটৱৰ্কিং দক্ষতা আৰু কৌশল গঢ়ি তোলাৰ ওপৰত গুৰুত্ব আৰোপ কৰে। অংশগ্ৰহণকাৰীসকলে জি পি এছ ফিট কৰা বেকপেক আৰু লণ্ড্ৰী বেগ-কম-ৱাশ্বিং মেচিনকে ধৰি কেইবাটাও ব্যৱসায়িক ধাৰণা উপস্থাপন কৰে। পৰৱৰ্তী সময়ত আই আই এম কলিকতা ইনোভেচন পাৰ্কৰ পৰা শ্ৰীমতী অনুসূয়া মহন্তই বিদ্যালয়সমূহত উদ্ভাৱনমূলক কামৰ সূচনা কৰাৰ বিষয়ে ভাষণ দি উল্লেখ কৰে যে গুৰু হিচাপে শিক্ষকসকলে বিদ্যালয়ত এনে এক অনুকূল পৰিবেশ সৃষ্টি কৰিবলৈ চেষ্টা কৰিব লাগে যাতে ছাত্ৰ-ছাত্ৰীসকলে বিফল হ’লেও মুক্ত মনেৰে তেওঁলোকৰ চিন্তা , ধাৰণা আৰু উদ্ভাৱনমূলক পৰীক্ষাসমূহ কৰিবলৈ সুবিধা পায়।
গিৰিজানন্দ চৌধুৰী বিশ্ববিদ্যালয়ৰ এ আই চি টিই-আইডিইএ লেব, ডি এছ টি-এফ আই এছ টি লেব আৰু চেণ্ট্ৰেল ইনষ্ট্ৰুমেণ্ট লেব পৰ্যবেক্ষণ ভ্ৰমণৰ বাবেও অংশগ্ৰহণকাৰীসকলক লৈ যোৱা হয়, য’ত তেওঁলোকক লেজাৰ কাটাৰ আৰু থ্ৰীডি প্ৰিণ্টাৰৰ দৰে শেহতীয়া অত্যাধুনিক মেচিনৰ সৈতে পৰিচয় হ’ব পাৰিছে ।
বুট কেম্পৰ সামৰণি দিনটোত গ্ৰাহক সৃষ্টি, সমাধানৰ ধাৰণা সৃষ্টি আৰু বিত্তীয় সাক্ষৰতাৰ মূল বিষয়সমূহক লৈ শ্ৰীযুত শ্ৰীৱৎসনে কেইবাটাও কথোপকথন অনুষ্ঠান পৰিচালনা কৰে। অসম ষ্টাৰ্ট আপৰ প্লাবন বৰা ডাঙৰীয়াই ছাত্ৰ ষ্টাৰ্টআপৰ বাবে অনুদান আৰু পুঁজিৰ সুযোগৰ বিষয়ে এক আভাস দিয়ে। শেষত ভাৰতীয় প্ৰাদ্যোগিকপ্ৰতিষ্ঠান(আই আই ই )গুৱাহাটীৰ অধ্যাপক শান্তনু ডেকাই উদ্যোগীকৰণ শিক্ষাৰ উদ্ভাৱনীমূলক বেঞ্চ মাৰ্কিং পদ্ধতি বিদ্যালয়ৰ অধ্যক্ষ আৰু শিক্ষকক প্ৰদৰ্শন কৰে। দুদিনীয়া কাৰ্যসূচীৰ অন্তত গিৰিজানন্দ চৌধুৰী বিশ্ব বিদ্যালয়ৰ পঞ্জীয়ক অধ্যাপক দিপাংকৰ সাহাই শলাগৰ শৰাই জ্ঞাপন কৰে l
