প্ৰাতঃভ্ৰমণলৈ ওলাই গৈ গুলীত থকা সৰকা হৈ পৰিল ব্যৱসায়ী। দিল্লীৰ শ্বাহদৰা জিলাৰ ফৰচ বজাৰ অঞ্চলত শনিবাৰে পুৱা সংঘটিত হয় এই ঘটনা। মৃতকৰ নাম সুনীল জৈন (৫২)। তেওঁৰ বাচন-বৰ্তনৰ ব্যৱসায় আছিল।
শনিবাৰে পুৱা যমুনা স্প’ৰ্টছ কমপ্লেক্সৰ পথেৰে গৈ আছিল সুনীল জৈন। তেওঁ নিয়মিত প্ৰাতঃভ্ৰমণলৈ ওলাই যায়। আজিও তেওঁ ওলাই গৈছিলল। হঠাৎ পিছফালৰ পৰা বাইকত অহা দুজন দুৰ্বৃত্তই তেওঁৰ ওপৰত গুলীচালনা কৰে। উপৰ্যুপৰি একেৰাহে সাতৰ পৰা আঠ ৰাউণ্ড গুলী চলোৱা হৈছিল।
আৰক্ষীয়ে জনোৱা মতে, ব্যৱসায়ীজনৰ মৃতদেহত তিনিৰ পৰা চাৰিটা গুলী লাগিছে। চিকিৎসালয়লৈ নিয়াৰ পথত তেওঁৰ মৃত্যু হয়।মুকলিকৈ ৰাজপথত গুলীচালনাৰ ঘটনাই ৰাজধানীত চাঞ্চল্যৰ সৃষ্টি কৰিছে।
লগতে পঢ়কঃ ড্ৰাগছৰ গোচৰত সকাহ, ২৪ বছৰৰ মূৰত ভাৰতত ভৰি দিলে অভিনেত্ৰী মমতা কুলকাৰ্ণীয়ে
অৱশ্যে ব্যৱসায়ীজনক কিয় গুলীয়াই হত্যা কৰা হৈছে সেয়া পৰিয়ালৰ লোকে বুজিব পৰা নাই। জানিব পৰা মতে ব্যৱসায়ীজনে স্কুটিৰে ঘৰলৈ উভতি আহিছিল। কৃষ্ণনগৰ অঞ্চলত তেওঁৰ ঘৰ।
আনহাতে, গুলীচালনা কৰি সেই স্থানৰ পৰা পলায়ন কৰে দুৰ্বৃত্তই। তথ্য লাভ কৰাৰ পিছতে ফৰচ বজাৰ থানাৰ আৰক্ষী ঘটনাস্থলীলৈ যায়। ঘটনাৰ পিছতে অঞ্চলটোত বৃহৎ আৰক্ষী বাহিনী মোতায়েন কৰা হৈছে। আৰক্ষীয়ে দোষীক বিচাৰি অভিযান আৰম্ভ কৰিছে। ৰাস্তাৰ চিচিটিভি ফুটেজৰ তদন্ত চলি আছে। তদন্তকাৰীয়ে মৃতকৰ পৰিয়ালৰ লোকৰ সৈতেও কথা পাতিছে। এই হত্যাকাণ্ডৰ আঁৰত কোনো ব্যৱসায়িক সংঘাত আছে নেকি সেয়া বুজিবলৈ চেষ্টা চলাইছে আৰক্ষীয়ে।
লগতে পঢ়কঃ বন্ধুক হত্যা কৰাৰ অপৰাধত ওদালগুৰিত এজন লোকক যাৱজ্জীৱন কাৰাদণ্ড বিহিলে আদালতে
ইপিনে, শুকুৰবাৰে নিশা ৰাজধানী দিল্লীৰ গোবিন্দপুৰী অঞ্চলত শৌচাগাৰ ব্যৱহাৰক লৈ দুই চুবুৰীয়াৰ মাজত তীব্ৰ কাজিয়া হয়। অভিযুক্ত বিষম সিঙে তিনিজন লোকক দাৰে আঘাত কৰে। তাৰে এজনৰ মৃত্যু হয়।
