গুগল মেপৰ নিৰ্দেশনা অনুসৰণ কৰি বিপদত অসম আৰক্ষীৰ ১৬ জনীয়া দল। ঘটনা অনুসৰি অসম আৰক্ষীৰ এটা দলে অভিযানৰ সময়ত নগালেণ্ডত বিপথে পৰিচালিত হয় আৰু স্থানীয় বাসিন্দাই তেওঁলোকক অপৰাধী বুলি ভুলকৈ তেওঁলোকক আক্ৰমণ কৰি বন্দী কৰে। মঙলবাৰে নিশা নগালেণ্ডৰ মকোকচুং জিলাত আৰক্ষীৰ দলটোৱে এজন অপৰাধীক ধৰিবলৈ অভিযান চলাই থকা অৱস্থাত সংঘটিত হয় এই ঘটনা।
অসামৰিক সাজ-পোছাক পৰিধান কৰি অস্ত্ৰধাৰী পুলিচে অজানিতে সীমান্ত পাৰ হৈ নগালেণ্ডৰ মকোকচুঙত প্ৰৱেশ কৰাৰ সময়তে স্থানীয় লোকে তেওঁলোকক আক্ৰমণ কৰি নিশাটোৰ বাবে বন্দী কৰি ৰাখিছিল। অৱশেষত নগালেণ্ড আৰক্ষীয়ে উদ্ধাৰ কৰে অসম আৰক্ষীৰ জোৱান কেইজনক।
এজন আৰক্ষী বিষয়াই কয় যে গুগল মেপত ভুলকৈ এখন চাহ বাগিচা, যিখন প্ৰকৃততে নগালেণ্ডত আছিল, অসমত থকা বুলি দেখুৱাইছিল, যাৰ ফলত বিভ্ৰান্তিৰ সৃষ্টি হৈছিল।
আৰক্ষী বিষয়াজনে কয় যে, “১৬ জন জোৱানৰ ভিতৰত মাত্ৰ তিনিজনেহে ইউনিফৰ্ম পিন্ধি আছিল আৰু বাকীসকলে চিভিল ড্ৰেছত আছিল। ইয়াৰ ফলত স্থানীয় ৰাইজৰ মাজতো বিভ্ৰান্তিৰ সৃষ্টি হৈছিল। তেওঁলোকেও দলটোক আক্ৰমণ কৰিছিল আৰু আমাৰ এজন জোৱান আহত হৈছিল।”
আৰক্ষীৰ এই অধ্যায়ৰ তথ্য লাভ কৰাৰ পিছতে অসম আৰক্ষীয়ে নাগালেণ্ডত থকা সমকক্ষক সতৰ্ক কৰি দিয়ে। ততাতৈয়াকৈ নাগালেণ্ড আৰক্ষীয়ে অসম পুলিচক উদ্ধাৰ কৰিবলৈ ঘটনাস্থলীত উপস্থিত হয়।
আৰক্ষী বিষয়াগৰাকীয়ে আৰু কয় যে স্থানীয় লোকসকলে প্ৰকৃত আৰক্ষীৰ দল এটা আটক কৰা বুলি গম পাই প্ৰথমে পাঁচজন সদস্যক আৰু পিছদিনা পুৱা বাকী ১১ জন লোকক মুকলি কৰি দিয়ে।
