২০২৩ চনত দিল্লীবাসীক এখন পৰিস্কাৰ যমুনা নদী উপহাৰ দিয়াৰ কথা ঘোষণা কৰিছিল আপৰ তদানীন্তন মুখ্যমন্ত্ৰী অৰবিন্দ কেজৰিৱালে। কিন্তু প্ৰতিশ্ৰুতি দি প্ৰতিশ্ৰুতি পালন কৰিব নোৱাৰিলে আপৰ নেতাগৰাকীয়ে।
অহা ফেব্ৰুৱাৰীত অনুষ্ঠিত হ’ব দিলীৰ বিধানসভা নিৰ্বাচন। নিৰ্বাচনৰ পূৰ্বে যোৱা শনিবাৰে দিল্লীৰ এক অনুষ্ঠানত উপস্থিত হৈ এই প্ৰতিশ্ৰুতি পালন কৰিব নোৱাৰিলো বুলি স্বীকাৰোক্তি প্ৰদান কৰে কেজৰিৱালে।
শনিবাৰে দিল্লীৰ লক্ষ্মী বাই নগৰত ভাষণ দি কেজৰিৱালে কয় যে তেওঁ নিজৰ তিনিটা প্ৰতিশ্ৰুতি পালন কৰিব নোৱাৰিলে।
যদি চৰকাৰ পুনৰ ক্ষমতালৈ আহে তেন্তে তেওঁ সেই তিনিওটা প্ৰতিশ্ৰুতি পূৰণ কৰিব বুলি জনগণক পতিয়ন নিয়াবলৈ চেষ্টা কৰে আপৰ শীৰ্ষ নেতাগৰাকীয়ে।
ইয়াৰ উপৰিও দিল্লীত ২৪ ঘণ্টীয়া বিশুদ্ধ খোৱাপানী যোগান ধৰা আৰু দিল্লীৰ পথসমূহ ইউৰোপীয় শৈলীৰ কৰি তোলাৰ যি প্ৰতিশ্ৰুতি আছিল সেই প্ৰতিশ্ৰুতিও পালন কৰিব নোৱাৰা বুলি দায় স্বীকাৰ কৰে কেজৰিৱালে।
কেজৰিৱালে কয়, ‘‘মই তিনিটা প্ৰতিশ্ৰুতি দিছিলোঁ। কিন্তু মই যোৱা সময়ছোৱাত এই প্ৰতিশ্ৰুতি কেইটা পূৰণ কৰিব নোৱাৰিলোঁ। কিন্তু মোৰ মুখৰ কথা হেৰফেৰ নহয়। পৰৱৰ্তী সময়ত মই এই প্ৰতিশ্ৰুতিবোৰ পালন কৰিম।
