গোৱালপাৰাত সোমবাৰে নিশা সংঘটিত এক পথ দুৰ্ঘটনাত এগৰাকী মহিলাই প্ৰাণ হেৰুৱাইছে। খবৰ অনুসৰি নিয়ন্ত্ৰণহীন এম্বুলেন্সৰ খুন্দাত নিহত হয় মহিলাগৰাকী। জানিব পৰা মতে, ঘটনা সংঘটিত কৰাৰ সময়ত চালকজন মদ্যপ অৱস্থাত আছিল।
দুৰ্গা মন্দিৰৰ সমীপত সংঘটিত হোৱা এই ঘটনাত চালকে গাড়ীখনৰ ওপৰত নিয়ন্ত্ৰণ হেৰুৱাই মহিলাগৰাকীক খুন্দা মাৰে।
ৰাস্তা পাৰ হৈ থকা অৱস্থাত দুৰ্ঘটনাত নিহত মহিলাগৰাকী উমা কইৰালা সাহা বুলি জানিব পৰা গৈছে। আঘাতৰ ফলত ঘটনাস্থলীতে তেওঁৰ মৃত্যু হয়।
ঘটনাৰ খবৰ লাভ কৰি আৰক্ষীয়ে ততাতয়াকৈ সেই স্থানত উপস্থিত হৈ চালকজনক গ্ৰেপ্তাৰ কৰি এম্বুলেন্সখন জব্দ কৰে। গাড়ীখনৰ পঞ্জীয়ন নম্বৰ হৈছে এ এছ ১৮এ ৩৬৬০।
এই ঘটনাই স্থানীয় বাসিন্দাসকলৰ মাজত ক্ষোভৰ সৃষ্টি কৰিছে।
