ইজৰাইলৰ পণবন্দীসকলক মুকলি কৰি দিয়াৰ কাম পৰৱৰ্তী ঘোষণা নিদিয়ালৈকে স্থগিত ৰাখিছে হামাছে। বিবিচিৰ প্ৰতিবেদন অনুসৰি ইজৰাইলৰ বিৰুদ্ধে যুদ্ধবিৰতি চুক্তি উলংঘা কৰাৰ অভিযোগ উত্থাপন কৰি হামাছে এই সিদ্ধান্ত লৈছে।
হামাছে দাবী কৰিছে যে স্থানচ্যুত লোকসকলৰ উত্তৰ গাজালৈ ঘূৰি অহাত পলম কৰোৱা হৈছে। একে সময়তে উপত্যকাৰ বিভিন্ন অঞ্চলত বোমা বিস্ফোৰণ আৰু গুলীচালনা চলি আছে। তদুপৰি, ইজৰাইলে মানৱীয় সাহায্য আহিবলৈ দিয়া নাই।
আন্তঃৰাষ্ট্ৰীয় সংবাদ মাধ্যমে প্ৰকাশ কৰা অনুসৰি ইজৰাইলে যুদ্ধবিৰতিৰ চৰ্ত সম্পূৰ্ণৰূপে পালন নকৰালৈকে পণবন্দী মুক্তি প্ৰক্ৰিয়া স্থগিত ৰখা হ’ব। মন কৰিবলগীয়া যে অহা শনিবাৰে নতুন পৰ্যায়ত পণবন্দী মুক্তিৰ কথা আছিল।
ইফালে ইজৰাইলৰ প্ৰতিৰক্ষা মন্ত্ৰী ইজৰাইল কাটজে সেনাবাহিনীক সৰ্বোচ্চ প্ৰস্তুতি চলাবলৈ নিৰ্দেশ দিছে। তেওঁ কয় যে হামাছৰ এই সিদ্ধান্তই যুদ্ধবিৰতি চুক্তি উলংঘা কৰিছে।
পণবন্দী বিনিময়ৰ প্ৰথম ৪২ দিনত ৩৩ জন লোকক মুকলি কৰি দিয়াৰ কথা আছিল। অৱশ্যে এতিয়ালৈকে হামাছে ১৬ জন ইজৰাইলী আৰু ৫ জন থাই নাগৰিকক মুকলি কৰি দিছে। আনহাতে ইজৰাইলে কেইবাশ পেলেষ্টাইনী বন্দীক মুকলি কৰি দিছে।
সংবাদ মাধ্যম প্ৰকাশ কৰা অনুসৰি হামাছৰ কাছেম ব্ৰিগেডছৰ মুখপাত্ৰ আবু উবাইদাই সোমবাৰে এক বিবৃতিত পণবন্দী স্থগিত ৰখা সম্পৰ্কে মন্তব্য কৰে।
আবু উবাইদাই কয় যে বিগত তিনি সপ্তাহত প্ৰতিৰোধ বাহিনীৰ নেতাসকলে ইজৰাইলৰ চুক্তি উলংঘা কৰাটো অনুসৰণ কৰিছে। তেওঁলোকে চুক্তিৰ চৰ্তসমূহ পূৰণ কৰাত ব্যৰ্থ হয়। ইয়াৰ ভিতৰত আছে স্থানচ্যুত সাধাৰণ নাগৰিকক উত্তৰ গাজালৈ ঘূৰি অহাত বিলম্ব কৰা, আৰু বিভিন্ন স্থানত তেওঁলোকৰ ওপৰত গোলাবৰ্ষণ আৰু গুলীচালনা কৰা। চুক্তি অনুসৰি গাজালৈ সাহায্যও আহিবলৈ দিয়াতো ব্যৰ্থ হৈছে।
