সকলো মানুহেই স্বাভাৱিকতে নিজকে ভাল পায়। নিজকে ভাল পালে যিকোনো অসম্ভৱ কাম সম্পন্ন কৰিব পাৰি। সদায় এনেকুৱা নহয় যে ভাল পাবলৈ বিশেষ কোনোবা এজনৰ প্ৰয়োজন।
হয়তো আপোনাৰ কোনো সংগী নাই। সেই বুলিয়েই হৃদয়ত দুখ লৈ ঘূৰি ফুৰিবনে? বৰঞ্চ প্ৰথমে নিজকে ভাল পাবলৈ শিকক।
নিজক সময় দিয়ক। নিজকে উপহাৰ দিয়ক। ভাল পাবলৈ শিকক নিজকে। আপুনি সময় উলিয়াই নিজৰ বাবে কিবা এটা কিনিব পাৰে, আনকি এদিন নিজৰ বাবে কিবা বিশেষ খাদ্য ৰান্ধিব পাৰে।
নিজকে নিজৰ প্ৰাপ্য মৰম দিয়ক আৰু নিজৰ যত্ন লওক। একঘেয়ামী ৰুটিনৰ পৰা কিছু আঁতৰি কৰি কিছু দূৰৈৰ ঠাইলৈ গৈ সময় কটাওক। ‘একক ভ্ৰমণ‘ত নিজৰ ধৰণেৰে জীৱনৰ আনন্দ বিচাৰি উলিয়াওক। বিশেষজ্ঞসকলেও আজিকালি ‘আত্মপ্ৰেম’ৰ ওপৰত গুৰুত্ব আৰোপ কৰিছে।
নিজৰ সপোনবোৰ পূৰণ কৰক। সপোনেই মানুহক জীয়াই ৰাখে। যেতিয়া এটা সপোন বাস্তৱায়িত হয়, তেতিয়া আন এটা সপোন দেখক। আপুনি দেখিব যে জীৱনৰ পৰা বিৰক্তি আঁতৰি যাব।
একে সময়তে নিজৰ চখবোৰো পূৰণ কৰক। হয়তো আপোনাৰ ছবি অঁকা, গান গোৱা, গীটাৰ বজোৱা বা ৰন্ধা-বঢ়াৰ প্ৰতি আকৰ্ষণ আছে। সময় উলিয়াই সেই চখবোৰ পূৰণ কৰক। তেতিয়া নিশ্চয় আপোনাৰ মনটো ভাল লাগিব। এনে অৱস্থাত আপুনি এজন সংগীৰ অভাৱ অনুভৱ নকৰিব।
চাৰি বেৰৰ ভিতৰত নিজকে আৱদ্ধ কৰি নাথাকিব, ওলাই গৈ প্ৰেম দিন উদযাপন কৰক। ভাল লগা যিকোনো চিনেমা চাওক বা আপোনাৰ প্ৰিয় ৰেষ্টুৰেণ্টলৈ যাওক। ভাললগা গীত শুনক। মনত ৰাখিব, এটা ভাল ঘৰ আৰু ভাল গাড়ী থকা মানেই সদায় ভাল জীৱন নহয়। জীৱনত ‘নিখুঁত ছবি’ বুলি কোনো কথা নাই। বৰঞ্চ জীৱনটো নিজৰ ধৰণেৰে উপভোগ কৰিবলৈ শিকক।
নিজকে ভালপোৱাৰ অভ্যাস গঢ়ি তোলক। নিজকে ভাল পালেহে নিজৰ বাবে সময় পাব। মনত ৰাখিব কোনো বস্তুৰে মানুহক সুখী কৰিব নোৱাৰি। সেয়ে অতিৰিক্ত একোৰে হৃদয় জয় কৰিবলৈ চেষ্টা নকৰাই ভাল।
জীৱনত নিসংগতাও গুৰুত্বপূৰ্ণ। অকলে থকাটোৱে আত্মবিশ্বাস গঢ়ি তোলে। বজাৰ কৰা, বিদ্যুতৰ বিল পৰিশোধ, কাপোৰ ধোৱা, ঘৰৰ অন্যান্য কাম-কাজৰ দায়িত্ব লৈ আপুনি বহু কথা শিকিব পাৰে। শিক্ষণৰ জৰিয়তে আত্মবিশ্বাস বাঢ়ে।
সকলোৰে লগত সুস্থ সম্পৰ্ক বজাইন ৰাখক। কিন্তু য‘ত সন্মান নাই, সেই সম্পৰ্ক ত্যাগ কৰক। নিজকে ভাল পাবলৈ শিকক তেতিয়া আপুনি দেখিব যে বাকী সকলোৰে লগত আপোনাৰ সম্পৰ্ক ভাল হ’ব।
