ফুটপাথত উঠি দুজন পথচাৰী শ্ৰমিকক খুন্দা মাৰে এখন লেম্বৰগিনীয়ে। যেতিয়া স্তম্ভিত প্ৰত্যক্ষদৰ্শীয়ে চালকজনক জবাবদিহি কৰে, তেতিয়া তেওঁৰ নিৰ্লিপ্ত প্ৰতিক্ৰিয়াই আৰু অধিক ক্ষোভৰ সৃষ্টি কৰে। দেওবাৰে সন্ধিয়া নয়ডাৰ ছেক্টৰ ৯৪ত সংঘটিত ঘটনাত অভিযুক্ত চালকজনে ওলোতাই খঙেৰে সোধে, “কোনোবা মৰিল নেকি?”
বিলাসী গাড়ীখনে নিয়ন্ত্ৰণ হেৰুৱাই গছত খুন্দা মাৰি ৰাস্তাত ওলোটাকৈ উলটি পৰে। ইয়াৰ পিছতে এজন প্ৰত্যক্ষদৰ্শীয়ে ঘটনাৰ ভিডিঅ’ ৰেকৰ্ডিং কৰে। ইয়াত দেখা গৈছে যে অঞ্চলটোৰ নিৰ্মাণ শ্ৰমিকসকলে দ্ৰুতগতিত গাড়ীখনৰ ফালে দৌৰি আহিছে।
তেওঁলোকৰ এজনে চালকজনক সুধিলে, “আপুনি বহুত ষ্টাণ্ট শিকি আহিছে নেকি?” তেওঁ লগতে জনায় যে ইয়াৰ পূৰ্বেও অঞ্চলটোত এনে দুৰ্ঘটনা সংঘটিত হৈ লোকে প্ৰাণ হেৰুৱাইছে। কিন্তু চালকৰ উত্তৰটো আছিল অত্যন্ত বেপেৰোৱা— ‘ইয়াত কোনোবা মৰি গ’ল নেকি?’।
আৰক্ষীয়ে জনোৱা মতে, আহত শ্ৰমিককেইজনক স্থানীয় চিকিৎসালয়লৈ লৈ যোৱা হৈছে আৰু তেওঁলোক এতিয়া বিপদমুক্ত। দুৰ্ঘটনাৰ পিছত চালকে গাড়ীৰ পৰা নামি অভিযোগকাৰীসকলৰ সৈতে যুক্তি দিবলৈ চেষ্টা কৰে: ‘মইতো লাহে এক্সিলেটৰ লাহে দবাইছিলো।’ উত্তৰত এজন পথচাৰীয়ে কয়, “এইটো কি লেহেমীয়া আছিল নেকি?” আৰক্ষীয়ে চালকজনক আটক কৰি বাহনখন জব্দ কৰিছে।
ইতিমধ্যে এই ঘটনাৰ ভিডিঅ’ ছ’চিয়েল মিডিয়াত ভাইৰেল হৈ পৰিছে, য’ত চালকজনৰ নিৰ্বিকাৰ প্ৰতিক্ৰিয়া ব্যাপক সমালোচনাৰ সন্মুখীন হৈছে।
