জন্মদিনৰ পূর্বে মুকেশ আম্বানীৰ পুত্র অনন্ত আম্বানীয়ে জামনগৰৰ পৰা দ্বাৰকালৈ বিশেষ পদযাত্ৰাত নামি পৰিছে। প্ৰায় ১৪০ কিলোমিটাৰ এই যাত্ৰাত তেওঁ এটা মন্দিৰৰ পৰা আন এটা মন্দিৰলৈ প্ৰাৰ্থনা কৰি আছে। কিন্তু যাত্ৰাৰ সময়ত এটা বিশেষ ঘটনা সংঘটিত হ’ল— ২৫০ টা ব্ৰয়লাৰত পিঞ্জৰাত থকা দেখি তেওঁ ৰৈ গ’ল!
পথৰ দাঁতিত আবদ্ধ হৈ থকা কুকুৰাবোৰৰ দুৰ্দশা দেখি অনন্ত আৰু মৌন হৈ থাকিব নোৱাৰিলে। নিৰাপত্তাৰক্ষীয়ে ঘেৰি ধৰি থিয় হৈ ব্ৰয়লাৰৰ মালিকক ধন দি কুকুৰাবোৰ এৰি দিবলৈ দিয়ে। এই ভিডিঅ’টো নিমিষতে ভাইৰেল হৈ পৰিছে।
অনন্ত আম্বানীয়ে যোৱা পাঁচ দিন ধৰি এই পদযাত্ৰা অব্যাহত ৰাখিছে। ইতিমধ্যে তেওঁ ৬০ কিলোমিটাৰতকৈও অধিক পথ অতিক্ৰম কৰি দ্বাৰকাৰ ডোকাধীশ মন্দিৰত উপস্থিত হৈছে। সংবাদ সংস্থা এএনআইক দিয়া এক সাক্ষাৎকাৰত অনন্তই কয় যে, কোনো কাম কৰাৰ আগতে ভগৱান দ্বাৰকাধীশৰ ওপৰত বিশ্বাস ৰাখক, তেতিয়া কোনো বাধা নাথাকিব।
