উচ্চতৰ মাধ্যমিকৰ চূড়ান্ত পৰীক্ষাৰ ফলাফল ঘোষণা কৰাৰ দিনটোত ৰাজ্যখনৰ সকলো দিশতে অনন্দত আত্মহাৰা হৈ থকাৰ সময়তে বকোৰ নগৰবেৰাৰ টুপামাৰীত সংঘটিত হয় এক চাঞ্চল্যকৰ ঘটনা।
উল্লেখযোগ্য যে আজি কামৰূপ জিলাৰ বকোৰ নগৰবেৰাৰ টুপমাৰীত এহাল প্ৰেমিক-প্ৰেমিকাই এজোপা গছৰ ডালত চিপ লৈ আত্মহত্যা কৰে।
প্ৰাপ্ত তথ্য মতে নগৰবেৰাৰ নতুন বদলা গাঁৱৰ ইনামুল হক (১৬) আৰু ৩ নং টুপামাৰী গাঁৱৰ ১৪ বছৰীয়া এগৰাকী কিশোৰীৰ মাজত থকা প্ৰেমত বাধা প্ৰদান কৰিছিল পৰিয়ালৰ লোক।
ফলত পৰিয়ালৰ বাধা সহিব নোৱাৰি প্ৰেমিক-প্ৰেমিকা হালে ৩ নং টুপামাৰীৰ মালিপাৰা পথাৰৰ এজোপা গছত চিপ লৈ আত্মহত্যা কৰে।
আনহাতে পুৱাই একাংশ স্থানীয় লোকে এই ঘটনা প্ৰত্যক্ষ কৰি পৰিয়ালৰ লোকক খবৰ দিয়া শোকত ভাগি পৰে পৰিয়ালৰ লোকসকল। লগতে এই ঘটনাৰ ফলত অঞ্চলটোত এক শোকাকুল পৰিৱেশে বিৰাজ কৰিছে।
ইফালে ঘটনা সন্দৰ্ভত জানিব পাৰি টুপামাৰী আৰক্ষী ঘটনাস্থলীত উপস্থিত হৈ ঘটনাৰ তদন্ত আৰম্ভ কৰিছে।
